Home ताजा समाचार आईपीएल के तर्ज म छत्तीसगढ़ T20 लीग शुरु …… संग म अउ...

आईपीएल के तर्ज म छत्तीसगढ़ T20 लीग शुरु …… संग म अउ समाचार

97
0

रायपुर । छत्तीसगढ़ के राजधानी रायपुर म मंगलवार के रात आईपीएल के तर्ज म सार्थक टीएमटी प्रेजेंट्स छत्तीसगढ़ T20 लीग (सीटीएल) के शुरुआत अंतरराष्ट्रीय क्रिकेट स्टेडियम म होइस। आरडीए अध्यक्ष संजय श्रीवास्तव अउ सीटीएल के ब्रांड एम्बैसडर मोहम्मद कैफ ह येखर शुरुआत करिस। उद्घाटन के मउका म फिल्म अभिनेता अक्षय कुमार के डुप्लीकेट अउ कॉमेडी नाइट फेम विकल्प मेहता ह रंगारंग कार्यक्रम के प्रस्तुति दीस। 15 दिन तक चलइया ये लीग म 7 टीम के खिलाड़ी मैदान म उतरही। मंगलवार रात पहिली मुकाबला क्वींस क्लब 11 वॉरियर अउ रायपुर सुपर स्मैशर्स के बीच खेले गिस। जेमा क्वीन्स 11 क्लब वॉरियर ह 2 विकेट ले मैच ल जीत लिस। हालांकि आरएसएस के टीम ह कड़ा मुकाबला करिस।

यूबीजीएल के फायर होय ले सीआरपीएफ के तीन जवान घायल
दंतेवाड़ा । इहां गलती ले यूबीजीएल यानि अंडर बैरल ग्रेनेड लॉन्चर के फायर होय ले सीआरपीएफ के तीन जवान मन के घायल हो गिस। वहीं एक जवान के हालत गंभीर हवय। घायल जवान इलाज बर रायपुर लाए गिस हे। बताय गेहे कि जिला के अरनपुर कैम्प म हथियार मन के सफाई के दउरान गलती ले यूबीजीएल फटगे, जेखर ले ये घटना होइस। घायल जवान सीआरपीएफ के 111वीं बटालियन के हवय।

ग्राम पंचायत पचेड़ा के सचिव निलंबित
महासमुंद । कलेक्टर हिमशिखर गुप्ता ह ग्राम पंचायत पचेड़ा के सचिव ल निलंबित कर दिस। ओखर खिलाफ लोक सुराज म लापरवाही बरते अउ शराब पीके आए के शिकायत मिलिस हे। गउरतलब हे कि नीलमणि चंद्राकर ग्राम पंचायत पचेड़ा के सचिव हवय।

प्रधानमंत्री आवास म ठगी : एफआईआर नइ लिखत हे पुलिस ह
रायपुर। प्रधानमंत्री आवास योजना के नाम म आरंग व अभनपुर ब्लॉक के हितग्राही मन ले तीन सौ ले पांच सौ रुपिया वसूलइया ग्रामीण विकास ट्रस्ट के फर्जीवाड़ा खुले के बाद अब न तो पुलिस एफआईआर लिखत हे अउ न ही जिला पंचायत के अधिकारी कार्रवाई करे बर रुचि दिखावत हे। पूरा फर्जीवाड़ा लाखों रुपए के बताए जात हे। जेमा अनिता निषाद नाम के एक महिला व अरूण सिंह के नाम सामने आइस हे। जे ह नोएडा ले संचालित एनजीओ ग्रामीण विकास ट्रस्ट के तथाकथित संचालक हवय। एखर अलावा ग्रामीण मन ले पइसा वसूले के आरोप म कुरूद के लोकेश धीवर, धरमपुरा के मंशा धुरवा, तुलसी आरंग के लक्ष्मीनारायण, मालीडीह के थानेश्वरी निषाद, कोरासी आरंग के गणेशराम धीवर अउ अभनपुर खोंट के जितेंद्र साहू ल पकड़े गे रिहिस हे। ये ममला सामने आए के बाद चार महीना बीत चुके हे। सेकिन कोनो कार्यवाही नइ होवत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.