अंतर्राष्ट्रीय जैव बिबिधता दिवस म कोपरा जलाशय म जागरूकता कार्यक्रम

सफई अभियान, बर्ड वॉक अउ सीड बॉल बनाय ले दिहिन पर्यावरण बचाव के संदेस

रायपुर, अंतर्राष्ट्रीय जैव बिबिधता दिवस के मउका म कोपरा रिजर्वायर परिसर म पर्यावरण बचाव अउ जैव बिबिधता ला बढ़ाय बर मनखे मन ला जगाय के कार्यक्रम रखाय गिस। ए कार्यक्रम के उदेस्य जैव बिबिधता के महातम (महत्व) बर जागरूकता बढ़ाना अउ परकृति के बचाव बर जम्मो झन के गोठ-बांत ला बढ़ावा देना रहिस।

आयोजन करइया मन ह कहीन कि जैव बिबिधता के बचाव सिरिफ सरकारी कोसिस ले संभव नइ हे। एकर बर समाज के हर एक मनखे के आगू आके जुड़ना अब्बड़ जरूरी हे।

सफाई ले होइस सुरूआत

कार्यक्रम के सुरूआत सफई अभियान (क्लीनलीनेस ड्राइव) ले होइस। नागरिक मन, स्वयंसेवक मन अउ पर्यावरण ले मया करइया मन ह जलाशय परिसर म सफई अभियान चलाके पर्यावरण बचाव के संदेस दिहिन। सामिल होइया मन ह साफ अउ हरियर माहौल बनाय रखे के कसम (संकल्प) लीन।

बर्ड वॉक म चिरई-चुनगुनी मन के देख-रेख

एकर बाद रखाय बर्ड वॉक म सामिल लोगन मन ह ए इलाका म पाय जाय वाला अलग-अलग चिरई-चुनगुनी मन ला देखिन। जानकार मन ह बतईन कि परकृति के संतुलन ला बनाय रखे म चिरई मन के बड़े हाथ होते। ओमन चिरई मन अउ जैव बिबिधता के आपस के नाता के जानकारी दिहिन।

सीड बॉल बनाना रहिस आकर्सन के केंद्र

रुख-राई लगाय अउ हरियाली ला बढ़ाय के उदेस्य ले रखाय सीड बॉल बनाय के काम ह सबले जादा आकर्सन के केंद्र रहिस। सामिल होइया मन ह बड़े उसाह के संग सीड बॉल तैयार करिन। ए कोसिस ह जंगल के इलाका ला बढ़ाय अउ पर्यावरण ला बचाय के डाहर म एक बड़े कदम आय।

दस्कत अभियान ले देखिस लोगन के निरनय

जैव बिबिधता के बचाव, परकृति ला बढ़ाय अउ बन के जीव मन के सुरक्षा बर उहां उपस्थित लोगन मन ह दस्कत (हस्ताक्षर) अभियान के दुआर ले अपन निरनय ला देखाइन। जम्मो झन ह पर्यावरण ला बचाय अउ आऊ कतकोन पीढ़ी मन बर परकृति के कउड़ी-थाती ला संजोय के कसम लीन।

ए कार्यक्रम म सामाजिक संगठन मन, पढ़इया लइका मन, नागरिक मन अउ परकृति ले मया करइया मन ह बड़े उसाह के संग भाग लीन। कार्यक्रम के सिराप (समापन) पर्यावरण बचाव, जैव बिबिधता संवर्धन अउ लगातार बिकास के संदेस के संग होइस।

हमर व्हाट्सएप चैनल ला सब्सक्राइब करव अऊ मया देवव
Whatsapp –https://whatsapp.com/channel/0029VaPmGTXInlqS2WQAhw1n
YouTube –https://youtube.com/@jayjohar?si=AZDI5zciOCT3Oqhw
Facebook –https://www.facebook.com/share/18GsFBTgfd/