Corona: प्रदेश म फेर मिले हे कोरोना के 34 नवा मामले, एक्टिव मरीज ह बाढ़ के अब 632

जय जोहार…. छत्तीसगढ़ म कोरोना (corona) संक्रमण के मामले ह थमे के नाम नई लेवत हे। सोमवार रात म कोरोना के 34 नवा मामले के पुष्टि होय हे। एखर पहिली शाम तक 67 मरीज मिले रिहिस। ए मरीज मन के संग दिनभर म 101 मरीज पाय गे हे।
सोमवार देर रात जेन 34 नवा मरीज मिले हे, ओमा दुर्ग ले 21, बलौदाबाजार ले 8 अउ रायपुर ले पांच मरीज शामिल हे।
बता देन कि प्रदेश म कोरोना (corona) संक्रमण के कुल संख्या ह 2795 हो गे हे। जबकि सक्रिय मामले ह 632 पहुंच गे हे। ऊहचे 2150 लोगन मन ह कोरोना (corona) ल मात दे दे हे,

जेखर बाद ओ मन ल अस्पताल ले छुट्‌टी दे दे गे हे। ए वायरस से प्रदेश म अब तक 13 लोगन मन के मौत हो गे हे।