gariaband म कलेक्टर ह शिशु संरक्षण माह के करिन शुभारंभ

जय जोहार…. गरियाबन्द (gariaband) जिला म 14 जुलाई ले शिशु संरक्षण माह के आयोजन करे जात हे। ए माह के शुभारंभ ल हेल्थ एंड वेलनेंस सेन्टर, ग्राम कस म कलेक्टर छतर सिंह डेहरे अउ जिला पंचायत सीईओ विनय कुमार लंगेह ह लईका मन ल विटामिन ए अउ आयरन सिरप ल पिला के करिन।
ए अभियान म गरियाबन्द (gariaband) के सब्बो स्वास्थ्य केंद्र म 9 माह ले पांच वर्ष तक के लईका मन ल सप्ताह के हर मंगलवार अउ शुक्रवार के विटामिन ए अउ छह माह ले पांच वर्ष के लईका मन ल आयरन सिरप पिलाय जावत हे।
गरियाबन्द (gariaband) जिला के 52254 लईका मन ल विटामिन ए के खुराक अउ 55952 लईका मन ल आईएफए सिरप पिलाये जाय के लक्ष्य हे। ए अवसर म मुख्य चिकित्सा अउ स्वास्थ्य अधिकारी डॉ एनआर नवरत्न, सिविल सर्जन डॉ जीएल टंडन अउ जिला टीकाकरण अधिकारी डॉ. बी बारा उपस्थित रहिस।