जय जोहार…. गरियाबन्द (gairaband) नगर पालिक परिषद के वार्ड नंबर 2 आजाद चौक म कोरोना संक्रमित मरीज मिले के बाद ए क्षेत्र ल कलेक्टर छतर सिंह डेहरे ह कन्टेनमेंट जोन घोसित करे हे।
कलेक्टर के तरफ ले जारी आदेश म (gariaband) आजाद चौक के पूर्व दिशा म कन्हैया लाल निषाद क मकान, शासकीय प्राथमिक कन्या स्कूल, पश्चिम दिशा म गीता देवी के माकन, राजेश सेलून अउ पूरन साहू के मकान, उत्तर दिशा म इकलाब हिंगोरा अउ जयप्रकाश पात्र के मकान, दक्षिण दिशा म बैराम साहू अउ पीआर साहू के मकान ल कन्टेनमेंट जोन घोसित करे गे हे।
उहचे तीन किलोमीटर के दायरा ल बफर जोन घोसित करे गे हे। आदेश के तहत (gariaband) कन्टेनमेंट जोन क्षेत्र म सब्बो दुकान अउ आन वाणिज्यिक प्रतिष्ठान ह अवइया आदेश तक बन्द रही।
प्रभारी अधिकारी के तरफ ले घर पहुंच सेवा ले आवश्यक वस्तु के आपूर्ति ल उचित दर म सुनिश्चित करे जाही। सब्बो वाहन के आवागमन म पूर्ण प्रतिबन्ध रही।
