कांग्रेस के सरकार बनही त चरणदास होही मुख्यमंत्री….. चुनई रैली म नवजोतसिंह सिद्धू ह कहिन

रायपुर । कांग्रेस के स्टार प्रचारक नवजोत सिंह सिद्धू ह आज जांजगीर म चुनावी रैली के बेरा म कहिन के कहूं कांग्रेस के सरकार बनही त चरणदास महंत छत्तीसगढ़ के मुख्यमंत्री हो सकत हे। उमन जांजगीर के जनता ले कहिन के इहां के विधायक ह हो सकत हे आप मन के मुख्यमंत्री बनही।
तेकर पीछू कोरबा के चुनई रैली म नवजोतसिंह सिद्धू हॅ गोधरा कांड के जिकर करत कहिन के देश के बंटइया मन मोर देशभक्ति ऊपर उंगली उठावत हें। पीएम खुद ल चौकीदार बतावत हे अऊ ओकर चेला डॉ. रमन चिटफंड चलवावत हे। इहां बुलेट नहीं बैलेट के लड़ई ये, इहां रोजाना 500 नोनी मन के अपहरण होवत हे। आदिवासी मन के जमीन हड़पत हे। उमन सक्ती के पं. दीनदयाल स्टेडियम म सिद्धू कहिन के भाजपा सरकार किसान मन के जमीन अधिग्रहित करके उद्योगपति मन ल सौंप दीस, फेर कांग्रेस के सरकार आही त किसान मन के जमीन उमन ल लहुटाही।