का जुनवानी के स्ट्रांग रूम म भूत हे…. ए सोच हे राजनीतिक दल मन के

भिलाई। का श्री शंकराचार्य कॉलेज जुनवानी के अंतिम छोर म बने भवन के स्ट्रांग रूम म भूत हे। अइसना हमन नइ उहां निगरानी करइया राजनीतिक दल मन के प्रतिनिधि मन कहत हे।उंखर कहिना हे के रात होय के बाद भवन ले अजीब-अजीब सी आवाजें निकलथे।  एती रूम के रखवाली म लगे जवान मन ले जब ए चर्चा के बारे म पूछे गिस त उंखर एक ही जवाब हे…. भूत हमार तीर भूत नइ आ सकय।

दुर्ग जिला म मतगनना के इंतजार म बइठे प्रत्याशी मन बर हैरान करइया खबर हे।। जुनवानी म जे भवन  ल जिला प्रसासन  ह स्ट्रांग रूम बनाय हे।  उहां निगरानी करइया राजनीतिक दल मन के प्रतिनिधि  मन ल भूत के डर सतात हे।  हालांकि ए केवल चरचा मात्र हे, लेकिन ए चरता म घलोक खास बात हे। रात होय के बाद भवन ले अजीब-अजीब सी आवाजें निकले के चरचा हे।  पूरा कॉलेज परिसर म स्ट्रांग रूम बनाए गए भवन ल  लेके  अइसने चरचा है।  स्ट्रांग रूम के रखवाली म लगे जवान मन ले जब ए चरचा के बारे म पूछे गिस त उंखर एक ही जवाब हे… भूत हमार तीर नइ  आ सकय। उहें राजनीतिक दल मन के प्रतिनिधि ए आसंका म हे के इहां भूत के साया हे काबर के  उमन  ए भवन ल भूतिया मानत हे।

बता देन के जिला म चुनाव प्रक्रिया के समाप्ति के बाद श्री शंकराचार्य कॉलेज जुनवानी के अंतिम छोर म बने भवन  ल स्ट्रांग रूम बनाया गेहे।  स्ट्रांग रूम के सुरक्षा ल लेके निर्वाचन आयोग ह कोनो कोताही नइ बरतिस।  24 घंटा फोर्स के निगरानी के अलावा राजनीतिक दल मन के प्रतिनिधि  घलो स्ट्रांग रूम के रखवाली म लगे हुए हे। लेकिन एक बात  ए प्रतिनिधि मन ल खाए जात हे के रात म भवन के भीतर ले अजीब तरह के आवाज मन काबर  सुनाई देवत हे।  आवाज घलो अइसे के इहां निगरानी करइया लोग घलो सोचत हे के इहां कोनो भूत प्रेत के साया हे।  एखर सेती  ए भवन ल ही भूतिया मानत हे। वइसे लोकसभा चुनाव 2014 म भी अइसने खबर के चरचा सुनाई म पड़े रहिस हे।