येखर सेती कहिस डॉ.रमन ह नकल करे बर घलो अकल के जरूरत होथे

रायपुर। मुख्यमंत्री डॉ. रमन सिंह सनिवार के कसडोल विधानसभा के वटगन म भाजपा प्रत्यासी गौरीशंकर अग्रवाल बर चुनावी सभा ल संबोधित करिन। उमन कहिन के गौरीशंकर के आप लोगन ह चुनाइ जीता के बिधानसभा भेजव। उमन ह 50 बछर म जे काम नइ होय रहिस हे ओला पांच बछर म ही करके दिखा दिस हे।
मुख्यमंत्री ह कांग्रेस उपर हमला बोलत हुए कहिन के कांग्रेस अब भाजपा के नकल करत हवय। लेकिन नकल करे बर घलो अकल के जरूरत होथे। कांग्रेस अपन घोसवा पतर म चावल देय के वादा करिस हे । कांग्रेस ल काफी समय बाद चावल देय के याद आइस हे । उमन 1 रुपिया किलो म चावल देय के बात कहत हे। अतना दिन मन म उमन ल चाउऱ अउ धान के याद नइ रहिस हे। हमन त 11 बछर ले चावल के देय योजना चलावत हन। मुख्यमंत्री ह कहिन के हमन वोट बर चावल के योजना नइ बनाय हन। मोर संकल्प रहिस हे के कोनो गरीब खाली पेट ना सोवय।