Home Uncategorized संभावित हार ल देख के बउखला गे भूपेश ….. बघेल के आरोप...

संभावित हार ल देख के बउखला गे भूपेश ….. बघेल के आरोप म  बीजेपी के पलटवार

37
0
बीजेपी के पलटवार
'अफसर मन ल चेतावनी देके बात करना कांग्रेस के रीति-नीति ल दरसत हे

रायपुर। पीसीसी चीफ भूपेश बघेल के आरोप म बीजेपी  ह पलटवार करिस हे।  कांग्रेस परेदस  अध्यक्ष भूपेश बघेल के ओर ले अधिकारी मन ल चेतावनी देके मतगनना के दिन मुख्यमंत्री निवास न जाए के बयान म बीजेपी  ह कहिन के , ‘अफसर मन ल  चेतावनी देके बात करना कांग्रेस के  रीति-नीति ल दरसत हे।’

बीजेपी प्रवक्ता गौरीशंकर श्रीवास ह कहिन के  ‘गुंडागर्दी करना अउ तमाम तरह के आपराधिक काम करे म कांग्रेस के नेता लिप्त रहिथे।  कांग्रेस पार्टी के पदाधिकारी मन के चाल चरित्र अउ चेहरा कइसे  हे। ए परदस  अउ  देश के जनता  ल  इमन बता घलो देय हे। ‘

‘बउखला गे हे बघेल’ ……

उमन कहिन के , ‘छत्तीसगढ़ म संभावित हार ल देख के भूपेश बघेल अभे ले  बउखला गे हे। अउ  केवल सनसनी फइलाए  बर अइसने बयानबाजी करत रहिथे।’  श्रीवास ह कहिन के  ‘बघेल के अधिकारी मन के चेतावनी वाले लहजा म ये कहिना  के , उमन  सीएम हाऊस ना जाए उंखर आपराधिक पृष्ठभूमि ल दरसात हे।’

‘ओछी सोच ल दरसाथे बयान’ ……

गौरीशंकर  ह कहिन के  ‘भूपेश बघेल  ह  इहां तक कह दिस के , कांग्रेस के कार्यकर्ता कैमरामैन लेके सीएम हाउस के बाहिर तइनात रहही अउ अगर कोनो अधिकारी सीएम हाउस जाही, त उंखर खेलाफ कड़ी कार्रवाई करे जाही। ए  बयान उंखर ओछी सोच ल दरसाथे’। उमन कहिन के , ‘प्रदेस म अगर कोनो  के राजनीतिक हत्या करने के आरोप जाथे त वो कांग्रेस ल ही जाथे’

भूपेश बघेल  कहिन के …. ‘काउंटिंग के दिन सीएम हाउस गिस त खैर नइए’

सरकार बने ले पहिली ही कांग्रेसी नेता अति उत्साहित हे अउ  जम के  बयान दे वत रहिथे।  आज परदेस  कांग्रेस मुख्यालय म पत्रकार वार्ता म कांग्रेस प्रदेश अध्यक्ष भूपेश बघेल  ह अधिकारी मन ल चेतावनी देवत कहिन के  मतगनना के दिन न जाए मुख्यमंत्री निवास। कांग्रेसी कार्यकर्ता सीएम हाउस के बाहिर  कैमरामैन ल  लेके तइनात रहही।  यदि कोनो अधिकारी सीएम हाउस जात हे अउ उंखर खेलाफ सख्त कार्रवाई  करे जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.