स्टॉर चुनाव प्रचारक मन ह छत्तीसगढ़ ल छोड़िस….. थमगे चुनावी प्रचार के सोर

रायपुर। बाहिर के राज्य मन ले आय स्टॉर चुनाव प्रचारक मन ह मतदान के 38 घंटा पहिली छत्तीसगढ़ ले चले गिन । ए संबंध म मुख्य निर्वाचन पदाधिकारी सुब्रत साहू ह आदेस देय रहिस के जतना भी प्रचारक छत्तीसगढ़ म प्रचार बर आय हे उमन ल मतदान के 38 घंटा पहिली राज्य ल छोड़कर जाना होही।
छत्तीसगढ़ म दूसर चरन के 72 विधानसभा सीट मन होवइया चुनावी सोरगुल रविवार के साम 5 बजे थम गिस।स। एखर बाद उम्मीदवार ह व्यक्तिगत प्रचार व घर-घर जनसंपरक करना सुरू कर दिस, जे ह देर रात तक जारी रहिस।
1079 प्रत्यासी चुनाव मइदान म…….मुख्य निरवाचन पदाधिकारी सुब्रत साहू ह ए घलो स्पष्ट करिस हे के 19 जिला म दूसर चरन के 72 विधानसभा सीट मन म 1079 प्रत्यासी चुनाव मइदान म हे । 1 करोड़ 53 लाख 85 हजार 983 मतदाता आघू के 20 नवंबर के अपन मताधिकार क प्रयोग कर ए प्रत्यासी मन के भाग्य के फइसला करही। इन निरवाचन क्षेत्र मन म कुल 19 हजार 296 मतदान केन्द्र बनाय गेहे ।