रायपुर। छत्तीसगढ़ी फिल्म के निर्माता निर्देशक व अभिनेता योगेश अग्रवाल ह आज नई दिल्ली के नेशनल स्कूल ऑफ ड्रामा म आयोजित अंतरराष्ट्रीय नाट्य ओलंपियाड म भाग लिन, अउ विद्यार्थी मन ल फ़िल्म मेकिंग के टिप्स दिन।
श्री अग्रवाल के साथ मशहूर फ़िल्म निर्देशक अजीत रॉय घलो उपस्थित रिहिस हे। ए बेरा म एनएसडी के विद्यार्थी मन के संग योगेश ह छत्तीसगढ़ी फिल्म के विकास, अवसर अउ नाटक, फ़िल्म मेकिंग बर चर्चा करिस । श्री अग्रवाल ह विद्यार्थी म के संग नाटक के प्रायोगिक प्रदर्शन म घलो भाग लिस हे। श्री अग्रवाल ह ए बात बर चिंता जताईस कि एक दर्जन से अधिक राज्य मन म एनएसडी नाट्य प्रशिक्षण के कार्यशाला होवत हवय। मगर छत्तीसगढ़ ह एखर ले अछूता हे। वोह छत्तीसगढ़ म अइसन कार्यशाला कराए बर प्रयास करही। जेखर ले छत्तीसगढ़ के प्रतिभा मन ल अवसर अउ मंच मिल सकय ।