‘अन्नदाता मन के सुध तक नइ लीस मोदी ह’

राहुल गांधी ह एक चुनाइ आमसभा ल संबोधित करत हुए कहिन
कोरिया-जशपुर। खुद ल देस के चउकीदार बताइया प्रधानमंत्री ह अपन काम मन ले ये सिद्ध कर दिस के वो देस के नइ बल्कि अमीर मन के चउकीदार हे। उमन ह देस के जनता के विस्वास हासिल कर चुनाव जीतीस, लेकिन अपन काम मन ले उमन देस के जनता के यह विस्वास ल पूरी तरह ले तोड़ दिस हे।
उक्त बात मन ल शनिवार के कांग्रेस के राष्ट्रीय अध्यक्छ राहुल गांधी ह एक चुनाइ आमसभा ल संबोधित करत हुए कहीन। श्री गांधी ने कहिन के प्रधानमंत्री मोदी ह देस ल दू भाग म बांट दिस हे। एक तरफ जिहां अमीर हे त उहें दूसर ओर गरीब जनता। मोदी अमीर मन के पक्छ म खड़े दिखाई देवत हे। उमन नोटबंदी ले लेके रॉफेल विमान डील के प्रकरन मन ल एक बार फेर के जनता के आघू रखत हुए कहिन के नोटबंदी ले आखिर का ला फायदा पहुंचिस। गरीब अपन गाढ़ी कमाई ल बचाय बर बैंक मन के बाहर खड़े रहिस हे अउ अमीर एसी कमर मन म बइठके अपन काली कमाई ल सफेद करत रहिन हे। उमन कहिन के रॉफेल मामला म जब प्रधानमंत्री ले जवाब मांगे गिस त उमन जवाब नइ दे पाइन।
उन्होंने कहा के अपन साढ़े चार साल के कारयकाल म श्री मोदी ह देश के गिने-चुने अमीर उद्योगपती मन के तीन लाख पचास हजार करोड़ के करजा माफ कर दिस। उहें देस के अन्नदातामन के उमन सुध तक नइ लीस। किसान मन ह जब अपन बात मन ल उठाय के प्रयास करिस, त उंखर बात कोनो नइ सुनिस। उमन कहिन के जब हजारों-लाखों करोड़ के करजा माफ हो सकत हे त देस के किसान मन के करजा माफ करे म केन्द्र के मोदी सरकार ह दिलचस्पी काबर नई लिस। उमन कहिन के मोदी किसान मन के गरीब मन के मसीहा बने के दिखावा करत हे, मगर देस के दो करोड़ किसान मन के पुकार उंखर कान मन तक नइ पहुंचीस।
उमन कहिव के छत्तीसगढ़ म कांग्रेस के सरकार बनही त दस दिन मन के भीतर किसान मन के करज माफ कर देय जाही। ये काम हमन ह कर्नाटक अउ पंजाब म कर चुके हन। उमन हे कहिन के कांग्रेस के स्पष्ट नीति हे के अन्नदाता सुखी रहय, येखर सेती उंखर उपज के सही दाम दिलाय बर , उंखर बच्चा मन के रोजगार दिलाय अउ संबंधित क्षेत्र के विकास बर प्रत्येक ब्लॉक मन म फूड प्रोसेसिंग यूनिट के स्थापना करे जाही।