रायपुर। विधानसभाचुनाव म मिले हार के बाद अब बीजेपी म हार के समीक्षा के दउर सुरू हो गेहे। पार्टी हछत्तीसगढ़ म आघू क रननीति म काम करना सुरू कर देय हे। अब पार्टी के आघू एक अउ चुनउतीहवय नेता प्रतिपक्ष के चुनाव । नेता प्रतिपक्ष के दउड़ म बृजमोहन अउ अजय चंद्राकर सबले आघू बताएं जात हे। बृजमोहन लगातार सात बार विधानसभा चुनाव जीते हे । चुनाव प्रबंधन म माहिर होए के संग- संग लंबा राजनैतिक अनुभव घलोक उंखर तीर हे। अविभाजित मध्य प्रदेस के बेरा म ससक्त विपक्ष के भूमिका निभाए हे। उहें अजय चंद्राकर संसदीय कार्य मंत्री रहे हे। उमन संसदीय क्रिया के अच्छा ज्ञान हे।
विधानसभा म मिले करारी हार के बाद अब पार्टी म ए बात ल लेके मंथन चलत हे के, छत्तीसगढ़ विधानसभा म प्रतिपक्ष के नेता कउन होही। पार्टी अइसे अनुभवी अउ जुझारू व्यक्तिल नेता प्रतिपक्ष बनाए म जोर जरूर देही, जे विधानसभा म जनहित ले जुड़े मुद्दा मन ल तेज तर्रार तरीके ले उठा सकय। रायपुर दक्षिण विधायक बृजमोहन अग्रवाल, कुरूद विधायक अजय चंद्राकर, भाटापारा विधायक शिवरतन शर्मा के संग ही पूर्व मुख्यमंत्री डॉ रमन सिंह के नाम के घलोक चर्चा हो। अइसे अटकल लगाए जात हे के एमन म ले कोनो एक ल नेता प्रतिपक्ष के जुम्मेदारी मिल सकत हे।
बृजमोहन अग्रवाल
एक बेर फेर विधानसभा चुनाव म बीजेपी के कद्दावर मंत्री बृजमोहन अग्रवाल ह रायपुर के दक्षिण सीट ले बड़ मत अपन जीत दर्ज करिस हे। ए सीट ले बृजमोहनअग्रवाल लगातार जीत हासिल करत आवत हे। 15साल ले कैबिनेट मंत्री रहे बृजमोहन अग्रवाल लंबा राजनीतिक अनुभव घलोक हे। प्रतिपक्ष के भूमिकाघलोक निभा चुके हे। 1990 से लेकर अभी तक उमन एक बेर भी चुनाव नइ हारे हे। ए लिहाज ले उमन ल ए जुम्मेदारी सउपने के पार्टी फइसलाले सकत हे।
अजय चंद्राकर
बीजेपी के तेजतर्रार अउ कद्दावार मंत्री मन म एक अजय चंद्राकर के नाम घलोक ए लिस्ट म सामिल हे। कुरूद विधानसभा सीट ले अजय चंद्राकर ह अपन जीत हासिल करिस हे। छत्तीसगढ़ म एक बड़ वर्ग ओबीसी वोटर्स हवय। ए लिहाज ले पार्टी उमन ल ए जिम्मा सउपने के सोच सकत हे। चंद्राकर संसदीय कार्य मंत्री रहे हवय।। विधानसभा में एक मुखर वक्ता के तौर पर भी उन्हे जाना जाता है।
डॉ. रमन सिंह
अमूमन राजनीति म अइसे परंपरा रहे हे, जे मुख्यमंत्री होथे ओला पार्टी नेता प्रतिपक्ष नइ बनावय। लेकिन खुद डॉ. रमन सिंह ह मीडिया ले चर्चा करत हुए कहे हे के उमन विधानसभा म अपन उपस्थिति दर्ज करा ही। डॉ. रमन सिंह के तीर राजनीति ले लेके सदन के लंबा अनुभव घलोक हे। पार्टी उंखर नाम के विचार कर सकत हे।
