अब 27 ग्राम के निवासी मन  मात्र 6 किमी के दूरी तय करके पहुंचत हे धनोरा

जंगली पहाड़ी रास्त मन ले गुजरइया  ग्रामीन मन ल मिलीस ड़क सड़क…

कोण्डागांव। केशकाल विकासखंड के अत्यंत सीमावर्ती पहाड़ी गांव कुएमारी ह सुरम्य, श्रृंखलाबद्ध पहाड़ी, प्राकृतिक जल स्त्रोतो अउ झरना  मन बर प्रसिद्ध हे, लेकिन केशकाल के  ए दुरगम पहाड़ी, अत्यंत ऊंचाई म बसे ग्राम कुएं के अलावा ए क्षेत्र  म चांदाबेड़ा, भण्डारपाल, माडग़ांव, कुदारवाही, मिड़ते, कुम्मुड़, बेड़मावाही, रावबेड़ा, तुतारी, उपरबेदी, उपरचंदेली जइसे गांव के जीवट निवासी मन बर  रोजेच दिनचर्या अतना ही चुनउती पूर्ण हे। नि:संदेह हर छोटे-बड़ कार्य  बर ग्रामीन मन ल  पहाड़ी मारग ले गुजर के अपन गंतव्य तक पहुंचे म कठिनाई के सामना करेबर पड़थे।

मुख्यालय व राष्ट्रीय राजमारग मन ले अलग-थलग पहाड़ी ग्राम मन रहइया मन बर  पहुंच मारग के होना हमेसा ले ही पहिली आवश्यकता मन म एक रहिस हे। ए गांव मन ले मुख्य मारग मन तक  पहुंचे के कोनो  मारग न होए के सेती इहां के ग्रामवासी  कतको साल ले जंगली पहाड़ी रास्ता मन के भरोसा ही 30 ले 35 किमी तक एक परिक्रमा करके जनपद मुख्यालय, मुख्य बाजार हाट, जिला मुख्यालय या एनएच तक पहुंच पात रहिस हे।  ए क्षेत्र के ग्राम पंचायत धनोरा के साप्ताहिक हाट बाजार स्थानीय ग्रामवासी मन के आर्थिक जरुरतों, रोजाना के आवश्यकता, खरीदी-बिक्री के एक मात्र बड़े केन्द्र हे। इहां तक पहुंचे बर ए गांव  के  निवासी मन ल पहिली बेड़मा या एनएच-30 राजमारग तक आना पड़त रहिस हे, ओखर बाद ही उमन धनोरा पहुंच पात रहिस हे जे उंखर बर  एक थकाउ सफर साबित होत रहिस हे। कलेक्टर नीलकंठ टीकाम ह अपन पदस्थापना के बाद ले ही ए वनांचल म सड़क निपमना के कार्य ल प्राथमिकता दीस हे। क्षेत्र के सघन दउरा करे  के बाद स्थानीय लोगन मन ह उमन ल पहुंच मारग के आवस्कता ले अवगत कराइस ।  जेमा कलेक्टर  ह तुरंतेच पहुंच मारग बनाय के बात कहिस।  परिनाम स्वरुप 6 महिना के भीतर कोरकोटी ले बेड़मामारी तक 3.5 किमी मिट्टी-मुरुम सड़क तइयार हो गिस हे। सड़क बने के बाद कुएमारी ले धनोरा तक के मारग 3 किमी व बावनीमारी ले धनोरा के दूरी मात्र 6 किमी रह गिस । ए तरह अब 27 ग्राम के निवासी जिहां पहिली  20 ले 40 किमी घूमके ग्राम धनोरा पहुंच पात रहिन हे। अब उमन 6 किमी के दूरी तय करके धनोरा पहुंचत हे।

ए तरह 3.5 किमी के पहुंच मारग एक लाईफ लाईन साबित होइस हे। इही तरह ले जिला प्रसासन ह इहां अंदरुनी क्षेत्र के ग्राम मन  के पहुंच मारग ल जोड़ के सोझे जिला नारायणपुर ले जोड़त हुए विकासखण्ड केशकाल के ग्राम खाले मुरवेण्ड स्थित नेशनल हाईवे तक जोड़े के योजना हे। इही तारतम्य म 28 नवंबर के कलेक्टर नीलकंठ टीकाम ह कोरकोटी-बेड़मामारी मारग के निरीक्षन करिन  अउ बचे हुए कार्य ल शीघ्र पूरा करे  के निरदेस दिस। इही दउरान अभियंता अरुण शर्मा, आरके गर्ग, देवेन्द्र नेताम, तहसीलदार अंजय पानिग्राही मवजूद रहिन हे।