अमरजीत भगत हो सकत हे प्रदेस कांग्रेस के नवां अध्यक्ष….. दिल्ली म राहुल ले  मुलाकात

रायपुर। भूपेश बघेल के मुख्यमंत्री बने के बाद अब प्रदेस कांग्रेस अध्यक्ष  बर मंथन चलत हवय। एमा सीतापुर के विधायक अमरजीत भगत के नाम आगू है।  सूत्रमन के अनुसार अमरजीत कांग्रेस के नवां प्रदेस अध्यक्ष हो सकत हे। मिले जानकारी म अमरजीत भगत दिल्ली दउरा म हे। सूत्रमन के मुताबिक उहां कांग्रेस अध्यक्ष राहुल गांधी के साथ उंखर बइठक चलत हवय। अमरजीत ल पीसीसी चीफ बनाए जाए के चर्चा जोरों म हे।

बता देन के मंत्रिमंडल बर चलत मंथन अब खत्म हो चुके हे। मंत्री मन के नाम फाइनल हो चुके हे। अब अइसे म अब प्रदेस कांग्रेस अध्यक्ष ल लेके चर्चा चलत हवय। सीएम भूपेश बघेल ह अभु पीसीसी के चीफ हे।  उंखर  सीएम बने के बाद अब एखर जुम्मेदारी ल कोनो दूसर नेता ल देय जाही।