अम्बिकापुर । रियल लाइफ म आधारित फिल्म पीहू अपन रिलीज ले पहिली ही लोगन के दिल म जगा बना लीस हे। ए फिल्म अब तक कतको अवार्ड शो के हिस्सा घलो बन चुके हे। फिल्म के ट्रेलर ल देखके ही रूह कांप जाथे के आघी का होही।
दरअसल नन्ही बच्ची पीहू के कहानी रूपहले परदा म 16 नवंबर के रिलीज होइस हे। जेमा मुख्य किरदार एक दू बछर के बच्ची निभावत हे। जेला देखके सबो ल आस्चरय होवत हे के आखिर दू बछर के बच्ची भला फिल्म के मुख्य किरदार कइसे निभा सकत हे। हमन घलो इही सोचत रहे हन अउ इहां तक के ये दू बछर साल के बच्ची के परिवार घलो इही सोचत रहिस हे। लेकिन जब फिल्म के ट्रेलर रिलीज होइस हे त हर कोनो आस्चरय चकित हे। ये फिल्म हे पीहू के अउ पीहू के रोल निभाइया बच्ची छत्तीसगढ़ के अंबिकापुर सहर के रहइया हे।
No Comment! Be the first one.