अवैध टावर मन ल उपर  कार्रवाई नइ होए के वजह बताइस महापौर दुबे ह….

रायपुर ।  मोबाइल कंपनी मन के अवैध टावर  ह लगातार विवाद के कारन बनत हे। सहर के महापौर प्रमोद दुबे  घलो  ए अवैध टावर मन के वजह ले काफी नाराज दिखिस।  उमन ह सहर म स्थापित होवत अवैध टावर मन उपर कार्रवाई  ल लेके र प्रतिक्रिया दीस हे।

महापौर प्रमोद दुबे  ले जब अवैध मोबाइल टावर मन उपर कार्रवाई ल लेके सवाल करे गिस  त उमन कहिन के , ‘नगर निगम कार्रवाई करथे त सोझे सीएम हाउस ले फोन आ जाथे.’ मेयर  के कहिना हे के  ‘निगम कर्मी जब कंपनी मन के सामान जब्त करथे त सीएम हाउस ले फोन म कहे जाथे के उमन ल छोड़ दव। अउसे म हमन का करन… का उमन ल चाकू मार दन.’

महापौर ह सरकार उपर जड़िस आरोप…...महापौर ह सरकार उपर ए आरोप  घलो लगाइन के मोबाइल कंपनियां टावर लगाय के बदला म सरकार ल लंबा चौड़ा कमीसन देथे, जेखर वजह ले सरकार उंखर  खेलाफ कोनो कार्रवाई नइ करय।  उमन ह सरकार ल  सुझाव के तउर  म कहिन के सहर म टावर लगाना अतना ही जरूरी हे त सरकार आईएएस, आईपीएस के बंगला मन टावर लगावय।  एक नइ तीन-तीन टावर लगावाय, निगम एखर अनुमति देवत हे।

शराब दुकान ल लेके घलो लगाइन आरोप…… महापौर ह बस्ती मन म शराब दुकान खुले म घलो आक्रोस जताइस हे।  उमन  ह  विरोध जतात हुए कहिन के अगर शराब दुकान खोलना हे ते आईएएस कॉलोनियों म काबर नइ खोले जाय। बस्ती मन म खोलके अंदर के माहुल खराब करे जात हे।