अवैध सराब जब्त के प्रकरन म होवय कार्रवाई : राकेश चौबे

रायपुर। आरटीआई कार्यकर्ता राकेश चौबे ह कहिन के छत्तीसगढ़ विधानसभा चुनाव के दउरान निर्वाचन आयोग  ह भारी मात्रा म अवैध सराब जब्त करिस हे।  उमन एखर जांच के मांग करत हुए राज्यपाल अउ मुख्य निर्वाचन पदाधिकारी ल ज्ञापन सउपिस।

राकेश चौबे ह बताइस के छत्तीसगढ़ म विधानसभा चुनाइ के दउरान भारी मात्रा म देशी-विदेशी सराब जब्त करे गिस हे। जेमा कोनो कार्रवाई नइ करे गिस हे। उमन ह मांग करिन के चुनाव के बेरा म राज्य भर म पकड़े गे सराब के जांच करे बर आबकारी कंट्रोल रूम क रिकार्डिंग अउ यूनिट मन के जमा करे गे हार्ड डिस्क के जांच करवाए जाए।एखर ले ए स्पष्ट हो जाही के,  परमिट के अलावा कउन-कउन गाड़ी मन म अवैध सराब के परिवहन  करे गेहे। उहें बिना होलोग्राम के सराब कइसे निकलिस हे एखर घलो जांच होवय।