‘आम आदमी मन ल सरकारी कार्यालय के चक्कर नइ लगाना पड़य एखर बर  धियान देवव’

भूपेश बघेल ह जिला कलेक्टर मन ल दिस स्पष्ट निरदेस

रायपुर। मुख्यमंत्री भूपेश बघेल ह सबो जिला कलेक्टर मन ल पत्र लिख के स्पष्ट कहिन के उमन अइसे काम करय के छोटे-छोटे काम बर आम आदमी ल सरकारी कार्यालय मन के चक्कर नइ लगाना पड़य।

मुख्यमंत्री बघेल ह पत्र म कलेक्टर मन ले साफ कहिन के ए देखे जात हे के आम-नागरिकमन ल छोटे-छोटे काम कराय बर सासकीय कार्यालयों के कई चक्कर लगाय ल पड़थे।  उमन ल अनावश्यक परेसान होथे। अउ निर्धारित समय-सीमा म नागरिक मन ल  आवश्यक सेवाएं प्राप्त नइ होवय।  सबो कलेक्टर 15 दिसम्बर 2018 के स्थिति म जिला म लोक सेवा गारंटी अधिनियम के अन्तर्गत प्राप्त आवेदन , उंखर निराकरन के स्थिति तथा निर्धारित समय-सीमा म उपलब्ध नइ कराय गे सेवाओं के संख्या, विलम्ब के कारन अउ समय म आवेदनों के निराकरन करे म समक्ष अधिकारी के करेगे दण्डात्मक कार्रवाही के सम्पूरन जानकारी 7 जनवरी 2019 तक अनिवार्य रूप ले उपलब्ध कराय जाए।  मुख्यमंत्री ह कलेक्टर ल ए घलो सुनिश्चित करे के बर कहे हे के सबो लंबित आवेदन मन के 15 जनवरी 2019 तक निराकरण कर देय जाए अउ भविष्य म सबो आवेदन के निर्धारित समय-सीमा म निराकरन सुनिश्चित करे जाए।