रायपुर । कांग्रेस ह चुनाव के बेरा म किसानमन ले वादा करे रहिस हे के सरकार बने के 10 दिन के भीतर किसान मन के कर्ज माफकर देय जाही। कर्ज माफी ल लेके भाजपा के आरोपमन के जवाब म कांग्रेस नेता मन ह हाथ म गंगाजल लेके कसम घलो खाइन। जेखर बाद आज अपन ए वादा ल कांग्रेस के सरकार ह पूराकर दिस हे, आवइया बेरा म बाकी सबो वायदा घलोक जल्द पूरा हों ही। ए हमारा संकल्प हे।
छत्तीसगढ़ के नवनियुक्त मुख्यमंत्री भूपेश बघेल ह किसान मन ले करेगे कर्ज माफ़ी के ऐलान ल प्रदेस कांग्रेस कमेटी के प्रवक्ता घनश्याम राजू तिवारी ह एक ऐतिहासिक फइसला बताइस हे। नवनियुक्त मुख्यमंत्री के आभार व्यक्त करत हुए कांग्रेस प्रवक्ता ह कहा के कांग्रेस घोसना पत्र के प्रथम वायदा ल पूरा करे के घोसना सपथ ग्रहन के मात्र 3 घंटा बाद ही करे जाना किसान मन के प्रति निष्ठा ईमानदारी ल दरसात हे, उमन ए ऐलान करके एक ऐतिहासिक फइसला लिन हे।
भाजपा के 15 बछर म किसान मन के बदहाली बढ़त आत्महत्या के घटना ले पीड़ित किसान मन ले आईसीसी के राष्ट्रीय अध्यक्ष राहुल गांधी ह छत्तीसगढ़ के किसान मन ले काँग्रेस के सरकार बने म 10 दिन के अंदर ही कृषि कर्ज माफी ल लेके वायदा करे रहिन हे।
मध्यप्रदेस के तरह छत्तीसगढ़ म घलो किसान मन ल बड़ सउगात मिले हे। इहां घलोक किसान मन के कर्ज माफ कर देय गे हे। भूपेश बघेल ह मुख्यमंत्री पद के सपथ ले के महज कुछ देर बाद ही कैबिनेट के बैठक लीस अउ किसान मन के कर्ज माफी समेत कई फाईल मन म अपन हस्ताक्षर करिन। किसान मन के कर्ज माफी ले प्रदेस के 16 लाख किसान लाभान्वित होंही। 6100 करोड़ ले जादा के ऋण राशि माफ करे के फइसला ले गेहे। एखर संग कइबिनेट म दूसर फइसला धान के समर्थन मूल्य के हे, कइबिनेट ह धान के समर्थन मूल्य 1700 ले 2500 रुपिया करे के निरनय लिस। एखरे संग ही तीसर निरनय झीरम कांड म एसआईटी गठन करे के निरनय प्रमुख रुप ले सामिल हे।
