इंडोर स्टेडियम म शपथ ग्रहन के तइयारी युद्धस्तर म

रायपुर । छत्तीसगढ़ के नव निर्वाचित मुख्यमंत्रीभूपेश बघेल आज पद अउ गोपनीयता के सपथ लेंही। सपथ ग्रहन बर पहिली साइंस कॉलेज मइदान ल चुने गे रहिस हे। लेकिन बारिस ह रंग म भंगडाल दिस। अब राजधानी म बरसात रुके के नाम नइ लेवत हवय, लिहाजा सपथ ग्रहन के स्थान बदलके  इंडोर स्टेडियम  म करे गेहे।

अब बलबीर जुनेजा इंडोर स्टेडियम म घलोकसपथ ग्रहन के तइयारी सुरू  हो गेहे।    युद्धस्तर म स्टेडियम ल सजाए के काम जारी हवय। स्टेडियमके चारों ओर सुरक्षा के पुख्ता इंजताम  करेजात हे।  एसपीजी  ह घलो इहां सपथ ग्रहन के मंजूरी दे देहे। सबो अधिकारीघलोक इहां पहुंच गे हे।

छत्तीसगढ़ी म सपथ प्रदेस के तीसर मुख्यमंत्री भूपेश बघेल सोमवार के संझा 5 बजे अपन पद के सपथ लिही। उमन ल  सपथ दिलाए राज्यपाल आनंदीबेन पटेल मध्यप्रदेस ले  संझा  4.30 बजे रायपुर पहुंच जाही। सूत्र मन के मुताबिक सपथ ग्रहन समारोह म ए बेर नवां बात ए हो ही के भूपेश बघेल मुख्यमंत्री पद के सपथ छत्तीसगढ़ी म लिही। बताय जात हे के उंखर संग दो वरिष्ठ नेता टीएस सिंहदेव अउ  ताम्रध्वज साहू सपथ ग्रहन करही।