इंदिरा प्रियदर्शिनी महिला नागरिक सहकारी बैंक घोटाला के  होही जांच … मुख्यमंत्री बघेल द दिस आस्वासन

रायपुर । इंदिरा बैंक संघर्ष समिति ह इंदिरा प्रियदर्शिनी महिला नागरिक सहकारी बैंक घोटाला के जांच बर मुख्यमंत्री भूपेश बघेल ल ज्ञापन सउपिस हे । मुख्यमंत्री ह आश्वस्त करिन के खातेदार मन ल न्याय मिलही।

 इंदिरा बैंक संघर्ष समिति के कन्हैया अग्रवाल ,सुरेश जैन, शैलेश श्रीवास्तव ,शंकर सोनकर अउ पुरुषोत्तम शर्मा ह उक्त आसय के जानकारी देवत  हुए बताइन के इंदिरा बैंक घोटाला  तत्कालीन भाजपा सरकार अउ सहकारिता के अफसर मन ले मिले संरक्षन के परिनाम हे। जेखर वजह ले ना ही घोटालेबाज चिन्हाइस अउ ना ही कोनो घोटालाबाज ल सजा मिलीस । उमन कहिन के बैंक बंद होय के स्थिति म नइ रहिस हे। लेकिन घोटाला ले जुड़े आरोपी मन ल बचाए बर बैंक ल दिवालिया घोषित करे गिस। जेखर सेती हजारों खातेदार मन के समक्ष आर्थिक संकट उत्पन्न होगे।