इंहा ले खाली हाथ लउटीस एसीबी के अफसर मन

जांजगीर-चांपा। जिला के सक्ती म संचालित डाकघर म एसीबी के अफसर मन ह  दबिश देय हे । लेकिन इहां ले उमन ल खाली हाथ लउटना पड़िस।बताय जात हे के डाकघर के कोनो कर्मचारी  ह नउकरीलगवाय के  नाम म रिश्वत मांगे हे।  तय सरत म  रिश्वत के रकम मंगलवार को ही देना रहिस हे। लेकिन वो ह अधिकारी नई मिलिस।

मिले जानकारी  म  टीम जब डाकघर म दबिस  दीस त  वो ह अफसर नइ मिलिस  , जे ह रिश्वत मांगे रहिस हे।  बताय जात हे के  वो ह  सहर म घलो नइ रहिस हे, लेकिन उंखर सहायक ल  रिश्वत के रकम के भुगतान होना रहिस हे। मगर रिश्वत देवइया एखर सिकायत पहिली  ले  ही एसीबी म कर दीस।

लिहाजा टीम निर्धारित तिथि म सक्ती स्थित डाकघर पहुंचिन।  प्रत्यक्षदर्शी मन के  अनुसार एसीबी के टीम के दबिस ले डाक घर के कर्मचारी मन म  खलबली मच गे। हालांकि, एसीबी के टीम  ह का अउ कउन  लोग न के खेलाफ कार्रवाई करे हे , फिलहाल ए स्पष्ट नइ हो सकीस।  एसीबी टीम के कार्रवाई चलत  बेरा म  मीडिया ल कोनो किसम के जानकारी देय ल इंकार कर दिस हे।