इन्फ्लूएंजा, एच5एन1, बर्ड फ्लू के संबंध म सतरकता बरते के निरदेस जारी

रायपुर। राज्य सासन के स्वास्थ्य अउ परिवार कल्याण विभाग ह इन्फ्लूएंजा, एच5एन1, बर्ड फ्लू के संबंध म सतरकता बरते के निरदेस जारी करिस हे।  प्रवासी पक्षी मन, पोल्ट्री फारम म एवियन इन्फलूएंजा के होय के संभावना रहिथे।

सीत ऋतु म बर्ड फ्लू फइलने के आसंका ल देखत हुए राज्य अउ जिला म पक्षी मन के असामान्य मृत्यु अउ बीमारी म निगरानी रखे के निरदेस देय गेहे। बर्ड फ्लू प्रभावित राज्यमन ले पड़ोसी राज्य मन म पक्षी मन म संक्रमन फइले अउ ओखर  कारन मनुस्य मन म संक्रमन फइले के आसंका हवय, जेखर ले सतरकता बरतेके  जरूरत हवय।

मनुष्य मन म फइले ले हो सकत हे खतरा

पक्षी मन विसेस कर पोल्ट्री के एच5एन1 के संक्रमन ले  मनुष्य मन म संक्रामक रोग के फइलाव के संभावना होथे। पक्षी मन संक्रमन ले प्रभावित राज्य मन ले संक्रमित पक्षी मन के आय जाय ले पड़ोसी राज्य मन के पोल्ट्री पक्षी मन म संक्रमन लाव हो सकत हे।  पालतू अउ गैर पालतू पक्षी म एवियन इन्फ्लूएंजा के संक्रमन के फइलाव ले ए संक्रमन मनुष्य मनम  फइले के खतरा हो सकत हे।