उपराष्ट्रपति एम. वेंकैया नायडू के हाथ ले सम्मानित होइस छत्तीसगढ़ ह

समाज कल्याण मंत्री रमशीला साहू ह ग्रहन करिस पुरस्कार
रायपुर। अंतररास्टीय वृद्धजन दिवस म आज नई दिल्ली के विज्ञान भवन म आयोजित समारोह म उप राष्ट्रपति एम. वेंकैया नायडू ह छत्तीसगढ़ सरकार के समाज कल्यान बेभाग के वयोश्रेष्ठ सम्मान-2018 प्रदान कर सम्मानित किया गया। नायडू ह ये पुरस्कार बर छत्तीसगढ़ सरकार, समाज कल्यान वेभाग अउ राज्य के जनता ल बधाई दीस।
समारोह म उपराष्ट्रपति के हाथ प्रदेस के समाज कल्यान, महिला अउ बाल विकास मंत्री रमशीला साहू ह छत्तीसगढ़ सरकार के ओर ले ये सम्मान ग्रहन करिस हे । उल्लेखनीय हे के छत्तीसगढ़ ल राज्य के बुजुरग मन (वरिष्ठ नागरिक मन ) बर विभिन्न प्रकार के कल्यान योजना मन के सरवश्रेष्ठ क्रियान्वयन बर केन्द्र सरकार के ओर ले ये पुरस्कार देय गिस।
समारोह में केन्द्रीय समाजिक न्याय और अधिकारिता मंत्री थावरचंद गहलोत, राज्य मंत्री कृष्णपाल तथा रामदास आठवले अउ छत्तीसगढ़ सरकार के समाज कल्याण विभाग के विशेष सचिव आर. प्रसन्ना उपस्थित रहिस हे। समाज कल्यान मंत्री रमशीला साहू ह बताइस के मुख्यमंत्री डॉ. रमन सिंह के नेतृत्व म राज्य सरकार ह छत्तीसगढ़ के बुजुरग के जीवन ल बेहतर बनाय बर अउ उमन ल केन्द्र अउ राज्य के विभिन्न योजना मन के लाभ दिलाय बर लगातार हर संभव कदम उठाय जात हे।