उरला के सरकारी स्कूल म तीन लइका बीमार, स्कूल म छुट्टी

रायपुर। उरला के एक सरकारी स्कूल म शनिवार के बिहनियां तीन लइका के तबीयत अचानक बिगड़ गे। उमन ल उल्टी होय लगिस। एखर बाद अन्य लइका मन के घलो  तबीयत बिगड़त देख के  स्कूल म छुट्टी होगे।

 बताय जात हे के  उरला म उद्योग मन के चिमनी मन ले निकलत धुआं के वजह  ले लइका मन के तबीयत खराब होवत हे।  ए इलाका म धुएं के वजह ले वातावरण दूषित होगे हे। एखर वजह ले स्कूल के बच्चा घुटन महसूस करत रहिन हे।