रायपुर। प्रदेस के आंबेडकर अस्पताल म मंगलवार के जनमें चार प्रीमेच्योर लइका म ले तीन के गुरुवार के मउत हो गिस। एमा ले बचे एक लइका के हालात गंभीर बताय जात हे। गउरतलब हे मंगलवार रात सीजेरियन डिलीवरी म कचना निवासी ईश्वरी साहू ह चार लइका ल जन्म दिस हे। जन्म के बेरा ले चारों लइका के स्थिति गंभीर बने हुए हे। एखर सेती उमन ल पीडियाट्रिक्स आईसीयू म रखे गिस ।
विभाग के डॉक्टर्स के टीम ह लइका मन उपर लगातार नजर रखे रहिन हे। पल-पल रिपोर्टिंग करे गिस। लेकिन एमा ले तीन लइका मन के गुरुवार के मउत हो गिस। एक अभु घलोक आईसीयू म हवय। ओखर हालत घलो गंभीर बने हुए हे। अस्पताल प्रबंधन ले मिली जानकारी म ईश्वरी साहू डॉक्टर्स ह पहिल ले ही बता देय रहिस हे के पेट म एक नइए बल्कि 4 लइका हे। सोनोग्राफी म डॉक्टर्स ह स्थिति स्पष्ट कर दे रहिस हे। महिला क स्थिति ल देखत हुए डॉक्टर्स ह तय करे के समय पूर्व (सात माह) ही डिलीवरी करवाना होही। नइए करवाय म मां ल खतरा हो सकत हे। अस्पताल ले मिले जानकारी म लइका मन के जन्म के बेरा म वजन कमरहिस हे अउ उमन पूरी तरह ले विकसित नइ हो सकिस हे। फिलहाल महिला के हालात स्थिर हे, बता दन के महिला ह दू लड़का अउ दू लड़की मन ल जन्म देय रहिस हे।
Other Articles
Next
Previews
No Comment! Be the first one.