एक ह संविलियन तो दूसर ह मूल्यांकन दर म वृद्धि ले लेके करिस बहिष्कार

रायपुर। दसवीं-बारहवी परीक्षा के प्रश्नपत्र मन के मूल्यांकन काम आज ले शुरू होगे। उहे पहिली दिन शिक्षाकर्मी मन संविलियन के मांग ल लेके बहिष्कार करिस, एती मूल्यांकन दर ल बढ़ाए बर छत्तीसगढ़ व्याख्याता संघ घलोक बहिष्कार कर दिस। मूल्यांकन काम बर 10,000 व्याख्याता अउ 20,000 शिक्षा कर्मी मन के ड्यूटी लगाए गेहे हे।
मूल्यांकन ल लेके शिक्षाकर्मी बंटे नजर आइस । एक गुट ह जिहा मूल्यांकन के बहिष्कार कर दिस, उहे कुछु शिक्षाकर्मी मन ह मूल्यांकन करे बर परीक्षा केंद्र म पहुंच के अपन काम शुरू कर दिस हे। प्रदेश म 29 मूल्यांकन केंद्र बनाए गे हे। रायपुर म दू परीक्षा केंद्र बनाए गे हे। जेएन पांडे जेमा लगभग 200 ले जादा नियमित अउ शिक्षाकर्मी के ड्यूटी लगाए गेहे। लगातार संविलियन के मांग ल लेके शिक्षाकर्मी मांग करत हवय। लेकिन अभु तक ले उंखर मांग ल पूरा नइ करे गेहे। येही वजह हे कि कि शिक्षाकर्मी मन ह मूल्यांकन के बहिष्कार कर दिस हे। ओती छत्तीसगढ़ व्याख्याता संघ घलोक मूल्यांकन दर ल बढाए के मांग करत मूल्यांकन के बहिष्कार कर दिस हे। आपमन ल बता दन कि छत्तीसगढ़ म लगभग 29 केंद्र हे जेमा 20,000 शिक्षा कर्मी मन के ड्यूटी लगाए गेहे हे। संगे संग छत्तीसगढ़ व्याख्याता मन के संख्या 10,000 हे। दूनों संगठन मूल्यांकन के बहिष्कार करत हे।