एम्स म लापरवाही….पांच मरीज के आंखि खराब

रायपुर । रायपुर एम्स म बड़े लापरवाही उजागर होय के खबर आगू आइस हे। इहां मोतियाबिंद ऑपरेशन के बाद पांच मरीज मन के आंखि खराब हो चुके हे। सबो मरीज रायपुर के बताए जात हे। आंखि के रोशनी चले जाए के सूचना म एम्स रायपुर म खलबली मच गेहे। मरीज मन ल तुरंतेत एमजीएम बर रेफर करे गेहे। बताए जात हे कि 5 अप्रैल के मरीज मन के आंखि के ऑपरेशन करे गिस हे। आंखि खराब होय म पांचों मरीज ल डिस्चार्ज करके निजी अस्पताल म भेजे गेहे। जइसे ही लोगन मन के आंखि के रोशनी जाए के खबर फइलीस चारों मुड़ा तहलका मच गे हे। सूचना म शहर कांग्रेस अध्यक्ष विकास उपाध्याय घलो एम्स पहुंचिस। मरीज मन के हाल- चाल लेके इलाज म लापरवाही बरते के आरोप लगाइस हे।