ए गांव म लोग जान बचाए बर चढ़गे छत म…. वजह जानें

बीते चार साल म हाथी के दहशत ले रतजगा करे म मजबूर

महासमुंद। सिरपुर क्षेत्र के लहंगर गांव म 18 हाथी मन के दल घुस गेहे।  लोग जान बचाए बर छत म चढ़े हुए हे। ए सूचना के बाद घलो वन विभाग के टीम नइ पहुंचिस। पूरा गांव म दहसत के माहउल हे। बतादन के  ए क्षेत्र लोग बीते चार साल ले हाथी के दहशत म रतजगा करे बर मजबूर हे। ए क्षेत्र म हाथी  कई लोग मन के जान ले के संग ही भारी आर्थिक नुकसान पहुंचाए हे।

गुरुवार संझा के 7 बजे इहां 18 हाथी मन के दल पहुंचे हे।  हाथी मन ह सबले पहिली  ग्रामीन शेखर चंद्राकर के बाड़ी म घुसके परिजन मन ल दउड़ाइस । एखर बाद जान बचाए बर लोग एती ओती  भागे लगिन। जेखर ल पूरा गांव  सतर्क होगे। जइसे-तइसे कर ग्रामीन  मन ह  हाथी ल इहां ले खदेड़िन, लेकिन  गांव के ही नहर पारा म घुस गे। ग्रामीन खेमसिंग ध्रुव, उदेराम दीवान, अशोक यादव के पूरा परिवार जान बचात हुए  तीन घंटा ले छत म चढ़े हे।  हाथी भगाओ संयोजक राधेलाल सिन्हा ने ह बताइस के गांव के सैकड़ों लोग हाथी दल के आघू  नतमस्तक हे। वन विभाग ल एखर सूचना दे गेहे, लेकिन इहां आए म आना-कानी करत हे।