ए जुम्मेदारी  मैं खुद चुने हव… बहुत सहज ढंग ले निभाहूं : महंत

रायपुर । कांग्रेस के वरिष्ठ नेता अउ सक्ती ले विधायक चरणदास महंत ह विधानसभा अध्यक्ष पद बर  गुरुवार के नामांकन दाखिल करिन।  महंत ह बताइस के ए  जुम्मेदारी उमन खुद चुने हे। उंखर नाम मुख्यमंत्री के रेस म घलो रहिस हे। फेर कयास लगाए जात रहिस हे के  उमन ल मंत्री पद मिल सकत हे।

संवाददाता मन के  ए सवाल म के उमन ल मंत्री या स्पीकर के जुम्मेदारी मिलही, त एखर चुनाव कइसे करही। एखर  जवाब म महंत  ह कहिन के , ‘ए जुम्मेदारी मैं  खुद चुने हव।  मैं पहिली भी अविभाजित मध्य प्रदेस म मंत्री रह चुके हव।  एखर सेती ए बेर  मैं कुछ अलग करे बर ए जुम्मेदारी चुने हव। मोला अभु सीखना घलोक हे। ‘