रायपुर। छत्तीसगढ़ विधानसभा म ए दफा 40 नवां चेहरा दिखे बर मिल ही। अंडर कंरट के लहर म कांग्रेस अउ भाजपा ले 40 झन सदस्य मन पहिली बेर सदन म पहुंचे है। एखर संगे संग 13 महिला मन ह विधायक बने हे।
सबले पहिली बात करन त प्रथम विधानसभा म मात्र 6 महिला सदस्य रहिन हे। दूसर विधानसभा म (2003) म घलो 6, तृतीय विधानसभा (2008) म 12 अउ चतुर्थ विधानसभा (2013) म 10 महिला सदस्य विधानसभा पहुंचिन हे। उहें वरिष्ठ विधायक मन के बात करन त विधानसभा म सबले वरिष्ठ सदस्य रामपुकार सिंह होंही। रामपुकार 8वीं बेर जीतके विधानसभा पहुंचे हे। उहें सातवीं बार विधानसभा म पहुंचइया विधायक म तीन नाम सामिल हे। एमा साजा ले रविन्द्र चौबे, रायपुर ग्रामीन ले सत्यनारायण शर्मा अउ बृजमोहन अग्रवाल सामिल हवय। उहें छठवीं बार सदन के सदस्य बनइया म डॉ. रमन सिंह अउ पुन्नूलाल मोहले हवय। डॉ. रेणु जोगी वरिष्ठ महिला सदस्य होही।
पांचवां विधान सभा के सदन के बात करन त एमा कांग्रेस ले 36 नवां चेहरा विधानसभा पहुंचगे, भाजपा ले 2 अउ बसपा- जोगी ले एक- एक। कांग्रेस के 36 नवां चेहरा म जगदलपुर ल रेखचंद जैन, संजारी बालोद ले संगीता सिन्हा, लैलूंगा ले चक्रधर सिंह सिदार, अंतागढ़ ले अनूप नाग, भिलाईनगर ले देवेन्द्र यादव, बैकुंठपुर ले अंबिका सिंहेदव, बेमेतरा ले आशीष छाबड़ा, धरसींवा ले अनिता शर्मा, रायगढ़ ले प्रकाश नायक, सारंगढ़ ले उत्तरी जांगड़े, कुनकुरी ले यूडी मिंज, तखतपुर ले रश्मि सिंह, बिलासपुर ले शैलेष पांडेय, कटघोरा ले पुरुषोत्तम कंवर , सरायपाली ले किस्मतलाल नंद, खल्लारी ले द्वारिकाधीश यादव, महासमुंद ले विनोद चंद्राकर, कसडोल ले शकुंतला साहू, रायपुर पश्चिम ले विकास उपाध्याय, सिहावा ले लक्ष्मी ध्रुव, बालोद ले संगीता सिन्हा, गुंडरदेही ले कुंवर सिंह निषाद।
नवागढ़ ले गुरुदयाल बंजारे, पंडरिया ले ममता चंद्राकर, डोंगरगढ़ ले भुवनेश्वर बघेल, खुज्जी ले छन्नी साहू, मोहला मानपुर ले इंद्रशाह मंडावी, कांकेर ले शिशुपाल सोरी, नारायणपुर ल चंदन कश्यप, बीजापुर ले विक्रम मंडावी, चंद्रपुर ले रामकुमार यादव, भरतपुर सोनहत ले गुलाब कमरो, मनेन्द्रगढ़ ले डॉ. विनय जायसवाल, चंद्रदेव प्रसाद राय ले बिलाईगढ़, नारायणपुर ले चंदन कश्यप। भाजपा ले धमतरी ले रंजना डीपेन्द्र साहू, बेलतरा ले रजनीश सिंह अउ पामगढ़ ले बसपा के इंदू बंजारे अउ बलौदाबाजार ले जनता कांग्रेस के प्रमोद कुमार शर्मा विधानसभा पहुंचे हवय।
