ए माननीय माथा टेके बर जात रहिन… इनोवा ह मार दिस टक्कर …. गंभीर रूप ले घायल

बिलासपुर । छत्तीसगढ़ के सीनियर मंत्री पुन्नूलाल मोहले सड़क दुर्घटना म गंभीर रूप ले जख्मी हो गेहे।  घटना मुंगेली के जरौंधा स्थित खमरिया गांव के बताय जात हे।  चुनाव म जीत दरज करे के बाद मंत्री पुन्नूलाल मोहले खमरिया गांव म स्थित एक आदिकाल मंदिर म माथा टेके बर जात रहिन हे ।

उमन अपन गाड़ी खड़ा करिन अउ  फेर गाड़ी ले उतर के जइसे ही मुड़ के मंदिर के तरफ जाए लगिन तभे पाछु ले आत तेज़ रफ़्तार इनोवा ह उमन ल टक्कर मार दीस। ऐ हादसा म मोहले के सिर के पाछु हिस्सा म गंभीर चोट आइस हे। उहें  उंखर पसली अउ पइर म घलो गंभीर चोट आइस। गंभीर स्थिति म मोहले ल बिलासपुर के अपोलो म भरती कराय गेहे। जिहां डॉक्टर मन के गहन निगरानी म उमन ल रखे गे हे।  डॉक्टर 24 घण्टा बाद ही कुछु बताए के बात कहिन।