ए राजा ह हमर नइ कर सकय सेवा’ … काबर किहिस लोगन मन ह

रायपुर। कांग्रेस के पंजा ल छोड़ के जोगी कांग्रेस के गुलाबी दामन ल थामने वाले खैरागढ़ के राजा देवव्रत सिंह बर नई मुसीबत खड़ा होगे हे। दरअसल, खैरागढ़ इलाका ले अब्बड़ संख्या म ग्रामीण मन जोगी बंगला पहुंचिस। एमन हजोगी कांग्रेस के पक्ष म तख्ती रखे रिहिस हे। लेकिन एखर मन के एक ठन गोंठ ह चौंकाने वाला रहिस हे। ग्रामीण मन के कहिना हे कि देवव्रत सिंह ल टिकट न दे जाए। वो ह राजा हवय। जेखर सेती गरीब अउ किसान मन के सेवा नइ कर सकय। एकर बजाय कोनो किसान ल टिकट देना चाही। किसान ह किसान के सेवा करही। घटना ल देवव्रत सिंह के खिलाफ माहौल बनाए के साजिश के रूप म देखे जाथे हे। खैरागढ़ इलाका म राज परिवार के अपन समर्थक हवय। धीरे-धीरे ए जनाधार ह कम होवत हे। इही वजह हवय कि इस्तीफा के बाद देवव्रत सिंह के वापसी बर कांग्रेस के डहर ले कोनो कोशिश न करे गिस हे। जोगी कांग्रेस म शामिल होए के बाद चरचा रहिस हे कि वोह चुनाव लड़ही। एखर उल्टा अब क्षेत्र म लोगन मन ह विरोध म उतर आए हे। अब जोगी कांग्रेस के अध्यक्ष अजीत जोगी के डहर सब्बों नजर हवय. अइसे बत म जब जोगी कांग्रेस म जीतइया प्रत्याशी के जरूरत हवय, उहां लोगन मन के विरोध देवव्रत सिंह बर मुश्किल पैदा कर दीही।