ए वजह ले 52 सीट म जीते के दावा करिस  सिंहदेव ह

सोनू केदार, सरगुजा । छत्तीसगढ़ म विधानसभा चुनाव के परिनाम आए म महज 40 घंटा ही बच गेहे। अइसे म नेता मन के  बयान आना वाजिब हे। एक ओर जिहां प्रदेस के मुखिया सीएम रमन सिंह 50-60 सीट लाए के दावा करिस हे। त  उहें नेता प्रतिपक्ष टीएस सिंहदेव घलो 52 सीट म जीत दरज कर छत्तीसगढ़ म कांग्रेस के वापसी के दावा करिस।

एखर संगे-संग सिंहदेव ह एक्जिट पोल के सर्वे ल नाकराते हुए कहिन के,  एक्जिट पोल के सर्वे  के आधार साइंटिफिक नइ होवय। एखर सेती  ओखर आंकड़ो मन के आधार म उत्साहीत होए के जरूरत नइए।  ‘हमन घलो अपन सोर्सेस ले सर्वे कराए हन,  जे हमार बर जादा विश्वसनीय हे। सर्वे के अनुसार हम ए चुनाव म लगभग 52 सीट जीतत हन।  सर्वे के आधार म हम अश्वस्त हन अउ हमर उत्साहित होना जायज हे।

–