ए स्कूल म सिक्षा के स्तर बढ़ाय बर एक नवां तरीका खोज निकालिस

बलौदाबाजार । वो कहथे के  सिक्षक कुम्हार के  जइसे होथे…जइसे कुम्हार ह  मिट्टी के घड़ा बनाय बर  कई स्तर म मिट्टी लेआकार देवत आग म तपाथे..वइसने ही छात्र मन  के भविस्य ल उज्जवल बनाय म  सिक्षक के अहम भूमिका होथे।  आप मन ल  बता दन के छत्तीसगढ़ म एक अइसे ही सरकारी स्कूल के सिक्षक मन ह अपन स्कूल के छात्र मन के शिक्षा के स्तर बढ़ाय बर एक नवां तरीका खोज निकालिस हे। जी हां, रिएलटी सो कउन बनही करोड़पति केतरज म   बालौदा बाजार जिला के ए स्कूल के लइकामन सवाल मन के जवाब देके अपन ज्ञान के स्तर स बढ़ावत हे।  

 सिक्षक अमिताभ बच्चन के जइसे सीट म बइठ के छात्र मन ल उंखर  बेसय संबंधित प्रस्न ल करथे । अतना ही नइ  एखर विडियो कुछु दिन पहिली वायरल होय के सेती ले ए पूरा देसभर म चर्चा के बिसय बने हुए हे।

हमन बात करत हन  बलौदाबाजार जिला म स्थित परसापाली के सासकीय प्राथमिक साला  के। जिहां  सिक्षक मन ह पढ़ाई करे बर अपन अनोखा तरीका अपनाए हे। उहें वायरल होए ए वीडियो ल ना केवल छत्तीसगढ़  बल्कि देसभर के लोगन लाइक अउ शेयर कर रहत हे। कमेंट बॉक्स म पढ़ाइया ए अनोखा तरीका के तारीफ घलो करत हवय।

स्कूल के सिक्षक मेघनाथ साहू  ह बतास के,  ए आइडिया कउन बनेही करोड़पति देखके आइस हे। इहां इनाम रासि 10 रुपिया रखे गेहे।  जीतइया छात्र ल सिक्षक अपन खर्च ल 10 रुपिया के इनाम देथे। प्राइमरी स्कूल के सिक्षक मेघनाथ साहू अउ उंखर संगी  सिक्षक मन के कोसिस हे के  गणित हो या कोनो दूसर बिसय पढ़ाई आसान अउ मजेदार होना चाही। इहां 109 छात्र  पढ़थे।  उमन ल पढ़य बर केवल पांच सिक्षक हे। ए तरह के परयोग दूसर बिसय म घलो करे जात हे।  केबीसी के तरज म आयोजित होवइया ए परीक्षा म  बिसय ले संबंधित प्रस्न पूछे जाथे ताकि उमन  ल अपन बिसय के ज्ञान हो सकय।