ए हाल हे सेन्ट्रल जेल के ….. बंदी मन ल दवा मुहैय्या करवाए बर बाहिर बइठे हे परिजन

रायपुर।  राजधानी रायपुर के सेंट्रल जेल म बंद सजायाफ्ता बंदी ए दिन म मच्छर मन ले परेसान हे। जेल म मच्छर के संख्या बढ़े गेहे। जेखर वजह ले बंदी मन के तबीयत खराब होवत हे।  ए परेसानी ले निजात पाए बर बंदी मन के मांग म जेल प्रसासन ह परिसर म दवा छिडकाव हे।  एखर बाद भी बंदी बीमारी के गिरफ्त म जकड़त हे।  एती बंदी मन के बीमार होए ले परिजन घलो जेल परिसर के बाहिर बइठे हे अउ बंदी मन ल दवा मुहैय्या करे के बात करत हे।

रायपुर सेंट्रल जेल म सजा काटइया 3 हजार बंदी मन म लगभग 1 दर्जन ले जादा बंदी  ल तेज बुखार  हवय।  बंदी मन के तापमान जादा बढे म जेल डॉक्टर  ह उमन ल उपचार बर डॉ. भीमराव अंबेडकर अस्पताल मरिफर करें।  इहां गंभीर रूप ले बीमार 6 बंदी भरता हवय। एमा 5 के रिपोर्ट पॉजीटिव आए हे।  बंदी मन के रिपोर्ट पॉजीटिव आए के बाद आनन-फानन म जेल प्रबंधन  ह जेल म दवा के छिडकाव करिन।  अउ बंदी मन ल मच्छर मन ले निजात दिलवाए के बात कहिन।  मामला म  लापरवाही होए  के वजह से जेल अधिकारी जानकारी देय ले बचत हवय। अउ  मामला म वरिष्ठ अफसर मन ले बात करे के बोली बोलत हे।  मामला म जब मेकाहारा प्रबंधन ले जानकारी मांगे गिस त उमन स्वीकारिन  के बंदी मन ल जेल से लाय गेहे अउ उंखर रिपोर्ट पॉजीटिव आइस  हे।