ऑटो डीलर के खाता म 56 लाख जमा….बैंक मैनेजर ल मिलिस नोटिस..वजह जानव

भाटापारा। भारतीय स्टेट बैंक के भाटापारा साखा म कुशल आटो के नाम ले संचालित बैंक खाता म एक ही दिन म 56 लाख रुपिया जमा होइस हे । उंखर खाता के जांच आयकर अधिकारी, रायपुर से कराय बर रिटर्निंग अफसर ह पतर लिखे हे। येखर संग ही विलंब ले सूचना देय बर संबंधित बैंक प्रबंधक ले स्पष्टीकरन मांगे गेहे।
भाटापारा के रिटर्निंग अफसर अउ अपर कलेक्टर जोगेन्द्र नायक ह बताइस के चुनाव आयोग के नियमानुसार कोनो भी खाता म एक दिन म 10 लाख रूपिया ले जादा के लेनदेन होय म 24 घण्टा के भीतर येखर सूचना देना अनिवारय हे ताकि आयकर अधिकारी ह तत्काल येखर जांच कर सकय।