करोड़ों के खेल खेलइया सट्टा बाजार के खमोसी ल लेके किसम-किसम के गोंठ …. पढ़व खबर

रायपुर। सरकार लेलेके लोगन म किसम- किसम के  गोंठ होवत हे।  कोनो कहिथे के कांग्रेस के सरकार बनही त कोनो कहत हे के भाजपा के । उहें अइसे मनइया मन के कमी नइए जे मन कहिथे के बिना जोगी के कोनो सरकार नइ बनय। ए बीच म सोचे के बात ए के अइसन बात मन म  करोड़ो के खेल खेलइया सट्टा बाजार मउन हे। प्रत्यासी मन ल  लेके त सट्‌टा लगत हे,  पर सरकार ल लेके कोनो भाव नइ खुलत हे।

सट्टा बाजार प्रायः अइसे परिस्थिती मन ल भुनाथे अउ  ओला कैश करय म पाथू नइ रहय।  लेकिन सत्ता काखर  आही  के असमंजस के स्थिति  ल  सट्टा बाजार काब नइ भुनात हे।  लोगन के मन म ए विचार उठत हे।   खबर त ये घलो ह के  सट्‌टा बाजार  उपर सत्ता के पहरा लगे हुए ।  कुल मिला के  लोगन ए तरह के सवाल उठाए म चूकत नइए।

कांग्रेस समर्थक के रूप  चिन्हें जावइया कुछु लोगम के मानना हे के सरकार कांग्रेस के आवत हे अउ पुरानी सरकार अपन पेंडिंग काम मन ल निपटावत हे।  एखर सेती नइ चाहए के  ए तरह ले कोनो  प्रेडिक्शन बाजार म आवए। एखर बर उमन सट्टा बाजार  म ए बात के  बर जोर देय हुए हे के सरकार ल लेके भाव न खोले जा। हालांकि सट्टा गैर कानूनी हे अउ  कथित रूप ले सरकार के जानकारी के बिना  चलत हे, लेकिन बताय जात ह के  एमा  उहीं मन जादा  इन्वॉल्व होथे जेखर सट्‌टा अउ सत्ता  के गलियारा म बराबर दखल रखथे।

सोसल मीडिया म घलो अइस कोनो अइसे बाता सामने नइ आए हे।  कोनो  खुलके इ बारे म लिख पात नइए।  अनिश्चितता के हालत म सारी प्रतिक्रिया बस कांग्रेस के के हे, भाजपा के ओर ले कोनो बड़े प्रतिक्रिया नइ आवत हे।