कलेक्टर के ए पहल ले मतदान दल के करमी मन खुश होगिस हे….पढ़व पूरा खबर

पद्मिनी मरावी, कोरिया। कोरिया जिला के तीन विधानसभा सीट बैकुंठपुर मनेंद्रगढ़ अउ भरतपुर सोनहत म  चुनाव सांतिपूरन ढंग ले संपन्न हो गिस। जिला निर्वाचन अधिकारी नरेंद्र दुग्गा के नेतृत्व म पूरा जिला म लोकतंत्र के ये महापरव बिना कोनो व्यवधान के सफलतापूरवक संपन्न होइस हे। मतदान करमी मन के मतदान कराके वापिस रामानुज मिनी स्टेडियम म पहुंचे के बाद कलेक्टर कोरिया व जिला निर्वाचन अधिकारी नरेंद्र दुग्गा के अगुवाई म मतदान दल के सबो लोगन के पुष्प गुच्छ देके स्वागत करिन।

चुनाव संपन्न कराके वापिस लउटने के बाद मतदान करमी मन के ए तरह के स्वागत पहिली बार होइस हे । एखर संग एक स्वस्थ परंपरा के सुरुआत घलो होइस हे, उहें लोगन मन ल ए लगिस  के  मानो कोनो जगा ले जंग जीत के लउटे सिपाही मन के स्वागत करे जात हे।

कोरिया जिला म विधानसभा निर्वाचन 2018 के मतदान महापरव संपन्न कराके सकुसल लउटे मतदान दल मन के बैकुंठपुर मुख्यालय स्थित रामानुज स्टेडियम प्रांगण म हारदीक अभिनंदन करे गिस। जिला निर्वाचन अधिकारी के पहल म पहली बार मतदान दल के ककमी मन के मतदान करा के लउटने म हारदीक अभिनंदन करे गिस। ये बेरा म सबो रिटर्निंग अधिकारी अउ उप पुलिस अधीक्षक श्रीमती निवेदिता पाल उपस्थित रहिस हे।