कांग्रेस के घोसना म अमल ….किसान  मन के कर्ज के हिसाब- किताब मांगिस  सहकारिता विभाग

 रायपुर। छत्तीसगढ़ म कांग्रेस ल बड़ जनादेस  मिले हे।  90 म 68 सीट पार्टी ह जीतिस।  कांग्रेस ल अतना बड़े जीत मिले के पाछू किसान मन ले करे गे  वादा के महत्वपूर्ण भूमिका हे।  पार्टी ह अपन घोसना -पत्र म किसान मन के करजा माफी के वादा कर रहिस हे। जेला लेके कांग्रेस ह तइयारी घलो सुरू कर दीस हे।

छत्तीसगढ़ म कांग्रेस ह जीत के संग ही घोसना मन म अमल करे के तइयारी सुरू कर दीस हे।. छत्तीसगढ़ सहकारिता विभाग ह किसान मन के कर्ज माफी के कांग्रेस के घोसना ल धियान म रखत हुए कर्ज के हिसाब- किताब मांगे हे। विभाग ह बुधवार के वित्त विभाग, राज्य स्तरीय बैंकर्स कमेटी अउ छत्तीसगढ़ राज्य सहकारी बैंक ल पत्र जारी कर किसान मन के कर्ज के जानकारी उपलब्ध कराए ल कहे हवय।