कांग्रेस के तगड़ा झटका..वजह जानिए

बिलासपुर। हाईकोर्ट ले कांग्रेस ल तगड़ा झटका मिले हे। सांसद विवेक तन्खा के ओर ले चुनाव म ईवीएम अउ वीवीपैट के खेलाफ लगाए गे याचिका खारिज हो गेहे।   हाईकोर्ट  ह अपन फइसला म कहिन के  चुनाव के मामला म हस्तक्षेप करना कोर्ट के अधिकार नइए।

कोर्ट ह कहिन के, जे निरदेस अउ  नियम आर्टिकल 324 ले 329 के तहत निर्वाचन आयोग ह जारी करे हे, उहीं म कार्रवाई होना चाही। बता दन के हाईकोर्ट  ह ए  मामला म फइसला सुरक्षित रखे रहिस हे।  कोर्ट के ए आदेस के बाद प्रदेस कांग्रेस ल तगड़ा झटका लगे हे। ज्ञात हो कि कांग्रेस के ओर ले लगाए गे याचिका म मतगनना के प्रनाली म सुधार करत हुए 50 फीसदी मतगणना ईवीएम ले अउ  50 फीसदी मतगणना वीवीपेट मशीन के परती के आधार  म कराए के मांग  करे रहिस हे।

–