कांग्रेस के मान्यता ख़त्म हो : शिवरतन शर्मा

रायपुर। आज गांधी जी अउ लालबहादुर शास्त्री जी के जयंती हे। ये मउवका म छत्तीसगढ़ आज सरमसार हे। गांधी जी कहा रहिस हे के कांग्रेस ल ख़त्म हो जाना चाही। आज़ादी के बाद उमन कांग्रेस के प्राथमिक सदस्यता ले इस्तीफा घलो दे देय रहिस हे।
आज अउ जादा अच्छा तरह ले समझ म आ गेहे के गांधी जी कतना जादा दूरदरशी रहिन हे । अगर सच म गांधी जी के बात मान ले गे होती त आज हमन ल ये दिन देखे बर नइ मिलतिस। एक उपर एक जे तरह के कांग्रेस के सीडी के मामला आवत हे, ओखर ले छत्तीसगढ़ के सर सरम ले झुकत जात हे । पहिली एक अस्लील सीडी के मामला जेखर सीबीआई जांच होइस अउ कांग्रेस के प्रदेस अध्यक्छ फिलहाल ज़मानत म हे।
अब ये नवा खुलासा टाइम्स नाउ ह करिस हे अउ आज साबो अखबार मन म घलो छपे हे, येखर ले हमन दुखी हे। प्रदेस आज सरमिनदा हे । देस भर म पूरी तरह ले खारिज कर देय कांग्रेस के नेतागन अब हर तरह के अनाचार, अत्याचार अउ सड़यंत्र मन के ख़बर ट्विटर म ट्रेनड करथ हे। अब लगत हे के राष्ट्रीय नेतृत्व घलो अइसे घटना मन म संलग्न हे। एक राजनीतिक दल के रूप म कांग्रेस अब बिलकुल अप्रासंगिक अउ अक्छम होगे हे । राष्ट्र अउ लोकतंत्र के हित म ये कांग्रेस के मान्यता समाप्त करे के मांग घलो हम चुनाइ आयोग ले करत हन। सीडी के ये मामला घलो गम्भीरतम आपराधिक सड्यंत्र हे। येखर घलो सघन जांच होवय, हम ये मांग करत हन।