कांग्रेस के संयुक्त बइठक म भूपेश ह दिस स्वागत भासन …. महंत ह रखिस निंदा प्रस्ताव

रायपुर। प्रदेस कांग्रेस प्रभारी पुनिया आज बिलासपुर कांग्रेस भवन म होय लाठीचारज म घायल कांग्रेस कारयकरता मन ले मुलाकात करिस। ये मसला ल लेके बिलासपुर के कांग्रेस भवन म नव नियुक्त कारयकारनी, जिला अउ ब्लाक मन के अध्यक्छ मन के संयुक्त बइठक शुरू होइस। बइठक के सुरूआत म पीसीसी अध्यक्छ भूपेश बघेल ह स्वागत भासन दिस। येखर बाद नवा बने कारयकारनी के स्वागत करिस। उहें डॉ चरणदास महंत ह कांग्रेस भवन के भीतर म घुसके पुलिस के बर्बर लाठीचारज के घटना के निंदा प्रस्ताव रखिस।
बिलासपुर म कांग्रेस नेता अउ कारयकरता मन उपर होय लाठीचारज के मुद्दा ल भुनाय बर कांग्रेस ह पूरी तरह ले जुट गेहे। बुधवार के पूरा प्रदेस म सरकार के खिलाफ प्रदरसन के बाद आज बिलासपुर म कांग्रेस के अहम बइठक होवत हे। ये संयुक्त बइठक म नवा प्रदेश पदाधिकारी मन, जिला अउ शहर कांग्रेस कमेटी के अध्यक्ष मन सामिल होय हे। बइठक म लाठीचारज करे के मामला म आगू के रननीति बनाय के संग चुनावी मसला म चरचा करे जात हे । बइठक के सुरूआत म अध्यक्छ भूपेश बघेल ह स्वागत भासन दिस हे। उमन सबो पदधिकारी मन ले कहिन के सबला मिलके बड़ जुम्मेदारी निभाय बर पड़ही। येखर बाद डॉ. चरणदास महंत ह कांग्रेस भवन के भीतर म घुसके पुलिस के बरबर लाठीचारज के घटना म निंदा प्रस्ताव रखिस। गउरतलब हे कि बुधवार के पुनिया ह लाठी चारज मामला म बड़ बयान देवत हुये अधिकारी मन ले गिन-गिनके बदले लेय के बात कहिस हे। पीएल पुनिया ह दो टूक कहिन के ” कांग्रेस के सरकार म कोनो अधिकारी ल बखसे नइ जाही, चुन-चुनके कार्रवाई करे जाही।