कांग्रेस गउ माता के पूंछ ल घलो पकड़ लेवय, ताकि अंतिम बेरा अच्छा ले निकल जाय………काबर कहिस रमन सिंह ह पढ़व पूरा खबर ल

तखतपुर। मुख्यमंत्री डॉ. रमन सिंह ह कांग्रेस उपर हमला बोलत हुए कहिन के कांग्रेस ह किसान मन अउ गरीब मन बर कभु कोनो योजना नइ बनाइस। कांग्रेस सिरिफ वोट के राजनीति करथे। 15 बछर ले सत्ता ले दूर हे येखर सेती सत्ता पाय बर तड़फत हवय।
शुक्रवार के तखतपुर म चुनाइ सभा ल संबोधित करत हुये मुख्यमंत्री डॉ सिंह ह कहिन के कांग्रेस ल जाय के बेरा याद आवत हे। येखर सेती गंगा जल लेके सपथ लेवत हे। गउ माता के पूंछ ल घलो पकड़ लेवय। ताकि अंतिम बेरा अच्छा ले निकल जाही। मुख्यमंत्री ह कांग्रेस के घोसना पतर उपर कहिन के कांग्रेस ल चाउर देय के याद अब आवत हे। उंहू 1 रुपिया किलो म चावल देय के बात कहत फिरत हे। अतना दिन मन म उमन ल चाउर अउ धान केे याद नइ आइस । हमन त 11 बछर ले चाउर देवत आत हन। 128 महीना होगे। मुख्यमंत्री ह कहिन के हमन वोट बर चाउर देय के योजना नइ बनायेन । कोनो गरीब खाली पेट झन सोवय। गरीब मन के जीवन म परिवरतन आ जाय येला धियान म रखके योजना बनाय गिस हे । जेला कांग्रेस ह सत्ता पाय के सीढी बना डरे हे। चावऱ देय ले सरकार नइ बनय।