कांग्रेस भवन म करुणा शुक्ला होइस बेहोस …. मचिस अफरा-तफरी

रायपुर। प्रदेस कांग्रेस अध्यक्छ भूपेश बघेल के स्वागत बर पहुंचे वरिस्ठ कांग्रेसी नेत्री करुणा शुक्ला अचानक बेहोस होके गिर पड़िस। अचानक उंखर बेहोस होय ले कारयकरता मन घबरा गिस । ये घटना के बाद कांग्रेस प्रदेस मुख्यालय राजीव भवन म अफरा-तफरी मच गिस। शुक्ला को होश में लाने के लिए लोग उनकी देखभाल में जुट गए।
बताय जात हे के कांग्रेस भवन म स्वागत के दउरान कारयकरता मन म जमके धक्का मुक्की होइस। काफी भीड़ होय अउ गरमी अधिक होय ले शुक्ला बेहोस होके गिर पड़िस। फिलहाल वो ह बेहतर हवय। बतादन के करुणा शुक्ला पूरव पीएम स्व. अटल बिहारी वाजपेयी के भतीजी अउ भाजपा ले विधायक अउ सांसद रहि चुके हे। बाद म भाजपा ले नाराज होके कांग्रेस म हे। जानत हो हू के भूपेश बघेल जेल ले रिहा होगे हे। सीबीआई कोरट ह उमन ल एक लाख के निजी मुचलका म जमानत देय हे। जेल के बाहिर बड़ संख्या म बघेल समरथक अउ कांग्रेस कारयकरता मवजूद रहिस हे। उंखर जेल ले बाहिर आय के इंतजार म गेट के बाहिर बड़ संख्या म कांग्रेस कारयकरता मन हाथ मन म कांग्रेस के झंडा लेके मवजूद रहिन हे। कारयकरता मन ह लगातार बघेल के समरथन म नारेबाजी करिन।