कांग्रेस म नइ हे सब कुछ ठीक, शैलेष नितिन ह दीस ए सफाई

रायपुर। विधानसभा चुनाव म कांग्रेस ल बड़े जीत त हासिल हो गिस, लेकिन पार्टी के अंदर सब कुछ ठीक नइ चलत हवय।  वरिष्ठ नेता मन ल मंत्रिमंडल म जगा न मिले ले उंखर नाराजगी साफ नजर आलत हे।  कांग्रेस संचार विभाग के प्रदेस अध्यक्ष शैलेष नितिन त्रिवेदी ह एमा  सफाई दीस हे।

त्रिवेदी ह कहिन के नवगठित कांग्रेस सरकार म मंत्री बने के चाह रखइया  वरिष्ठ विधायक मन के संख्या काफी जादा हे। ए वजह हे के सरकार म एक सीमित संख्या म मंत्री बनाए जाए के कारन कुछु वरिष्ठ विधायक मंत्री नइ बन सकिस हे।

मंत्री पद बढ़ाए के मांग

शैलेष ब  बताइस के मंत्री पद के संख्या कम होय के कारन विधायक मन ल मंत्रिमंडल म स्थान नइ देय जा सकय।  जबकि विभाग के संख्या बहुत जादा है।  अइसे मंत्री मन के संख्या बढ़ाए जाए बर मुख्यमंत्री भूपेश बघेल  ह केंद्र सरकार  ले पद मन के बढ़ाए जाए के मांग करिस हे। जेखर ले अनुभवी अउ वरिष्ठ विधायक मन ल मंत्रिमंडल म सामिल करे जा सकय।

प्रधानमंत्री नरेंद्र मोदी ल  लिखिस पत्र

बता दन के, मुख्यमंत्री ह प्रदेस म मंत्रिमंडल के संख्या बढ़ाए जाए बर प्रधानमंत्री नरेंद्र मोदी ल पत्र लिखे गेहे। एमा उमन मांग करिन के विभाग मन के संख्या ल देखत हुए प्रदेस म अब कुल विधानसभा सीट के 15% के जगा 20% विधायक मन ल मंत्री बनाए जाना चाही।  यदि मोदी सरकार उंखर ए मांग ल मान लेही , त अइसे  म प्रदेस म 13 के जगा 15 मंत्री होंही। या यूं कहना के  मुख्यमंत्री अउ दू अउ  मंत्री  के पद ल बढ़ाए जाए के मांग केंद्र सरकार ले करे हे। जबकि एखर पहिली भाजपा के  सरकार म 15 साल तक मुख्यमंत्री सहित कुल 13 मंत्री ही रहिन हे।