कांग्रेस सरकार ले सामंजस्य नइ बइठा पाइस अजय सिंह……सुनील कुजूर बने छत्तीसगढ़ के मुख्य सचिव

रायपुर। छत्तीसगढ़ म नवां सरकार के गठन के बाद प्रसासनिक सर्जरी के दउर लगातार जारी हवय। इहीं क्रम म बुधवार के एक अउ बड़े प्रसासनिक सर्जरी करे गिस। जेमा छत्तीसगढ़ के मुख्य सचिव से लेके कई आईएएस अधिकारी मन के विभाग बदले गिस।

छत्तीसगढ़ के चीफ सेक्रेटरी अजय सिंह ल हटा के सुनील कुजूर ल मुख्य सचिव के जुम्मेदारी देय गिस। उहें अजय सिंह ल राजस्व मंडल बिलासपुर के अध्यक्ष बनाय गिस हे। एखर पहिली सुनील कुजूर कृषि  विभाग के  एसीएस रहिन हे।

सुनील कुजूर के चीफ सेक्रेटरी बने के बाद आईएएस केडीपी राव ल कृषि प्रमुख सचिव अउ एसीएस कृषि के जुम्मेदारी दे गिस हे। एखर अलावा अमिताभ जैन ल वाणिज्य उद्योग के अतिरिक्त प्रभार सउपे गिस।