‘ कांग्रेस ह जनता ल सिरिफ छलने के काम करिस’

सिंचाई मंत्री बृजमोहन अग्रवाल के बालाघाट म गौरीशंकर बिसेन के पक्ष म चुनावी सभा

रायपुर। छत्तीसगढ़ प्रदेस के कृषि अउ सिंचाई मंत्री बृजमोहन अग्रवाल ह कहिन के  आजादी के बाद कांग्रेस ह जनता ल सिरिफ छले के काम  करिस हे। इतिहास के पन्ना खोल के देख लेवव अउ जनहित के कोनो उल्लेखनीय कार्य करे हे त  बतावव। आज मध्य प्रदेस के बेहतर स्वरूप दिखत हे । उँखर पाछू भारतीय जनता पार्टी के विकासपरक सोच अउ जनकल्याणकारी नीति हे। उमन ह जनभावना मन  के अनुरूप क्षेत्र के सर्वांगीन विकास करे हे। बृजमोहन अग्रवाल ह ए बात मध्यप्रदेस के बालाघाट म भाजपा प्रत्यासी कृषि मंत्री गौरीशंकर बिसेन के पक्ष म प्रचार करत हुए चुनावी सभा मन के दउरान कहिस।

बृजमोहन ह रविवार के  बालाघाट के खमरिया, नयाटोला, बड़गांव, नैतरा, कटंगझरी, पटेलटोला, पिपरिया, लोहरा म आयोजित चुनावी सभा मन ल  संबोधित करिस। बृजमोहन ह जनता ले आग्रहपूर्वक कहिस के विकास चाहि त भारतीय जनता पार्टी ल वोट देवव, काबर के भारतीय जनता पार्टी ह विकास के पर्याय हे। उमन कहिन के आज मध्य प्रदेश सरकार 1-2 रुपिया किलो म चावल- गेंहू देवत हे। का एखर ले पहिली कोनो कांग्रेसी सरकार म दम रहिस हे गरीब मन बर  अइसे  योजना ला सकय। बृजमोहन ह कहिन के असल म वो ह महाराजा मन के सरकार रहिस हे अउ  ए गरीब मन के  भाजपा सरकार हे। ए सरकार गांव गरीब अउ किसान मन ल प्राथमिकता म रखके काम करत हे। उमन कहिन के मध्यप्रदेश के भाजपा सरकार  किसान मन ल 200 रुपिया बोनस, संबल कार्ड, लाडली लक्ष्मी योजना, कन्यादान योजना जइसे  योजना मन के माध्यम ले गरीब मन के उत्थान बर काम करत हे।

बृजमोहन ह कहिन के बालाघाट के भाजपा प्रत्यासी गौरीशंकर बिसेन मोर 40 साल पुराना मित्र हे। मोर घलो हे के मध्य प्रदेश के मंत्री रहत हुए मोला पूरा प्रदेस के सेवा करे के अवसर मिलिस। मैं 3 बार  ले मध्य प्रदेश विधान सभा के सदस्य अउ 3 बार ले छत्तीसगढ़ विधानसभा के सदस्य रहे हवव। विश्वास के संग कहत हव के  मोला रायपुर के जनता 7वीं बार चुनाइ म जीता के विधानसभा भेजे के तइयारी कर चुके हे।

उमन कहिन के  मध्य प्रदेस म सबले जादा स्कूल बालाघाट जिला म खोले गेहे। आज बालाघाट ह उत्तरोत्तर प्रगति के पथम म आघू बढ़त हे । एखर पीछु गौरीशंकर बिसेन जइसे कुसल नेतृत्व के होना हे, जेमन अपन क्षेत्र के चौमुखी विकास  बर निरंतर प्रयत्न करत हे अउ क्षेत्र के लोगन के सपना साकार करत हे।

ए अवसर  म संजय खंडेलवाल, दिलीप चौरसिया, प्रसन्न अवधिया, मौसम हरिनखेडे, संजीव अवधिया ,संतोष अग्रवाल, गोलू अग्रवाल, किशोर खंडेलवाल, गजेंद्र भारद्वाज, मनोज पारधी, कपिल मेश्राम, महेंद्र अजीत, युवराज कातूरे, तपन खोबरागड़े, सुमित बिसेन आदि उपस्थित रहिस हे

समाज प्रमुख मन के संग बइठक करिन बृजमोहन ह……..बालाघाट म बृजमोहन अग्रवाल ह अग्रवाल समाज, सिंधी समाज अउ अवधिया समाज के प्रतिनिधि मन के बइठक करिन। समाज प्रमुख मन ले चर्चा करत हुए उमन कहिन के भारतीय जनता पार्टी सबके साथ सबके विकास के ध्येय ल लेके काम करथे। उमन  लोकहित ल धियान म रखके भाजपा ल जीत दिलाय म अपना योगदान देय के  आग्रह सामाजिकजन मन ले करिन।