‘कांग्रेस ह 10 दिन नइ पूरा एक महीना के समय लेवय, लेकिन पूरा करजा माफ करय ’ ….….अजीत जोगी ह उठाइस हे सवाल

रायपुर । पूर्व मुख्यमंत्री अजीत जोगी ह सरकारउपर निसाना साधत हुए कहिन के  छत्तीसगढ़ केकांग्रेस सरकार 10 दिन नइ पूरा एक महीना के समय लेवय, लेकिन प्रदेस के किसान मन केपूरा कर्ज माफ करय।  जोगी कहिन के वादा पूर्णकर्ज माफी के रहिस हे, लेकिन सरकार ह किसान मन के अल्पकालीन ऋण ल ही माफ करिस हे।

अजीत जोगी ह कहिन के सरकार के फइसला म गउर करे वाले बात ए हे के  90 फीसदी किसान मन ह साहूकार अउ अन्य वित्तीय संस्था जइसे नाबार्ड अउ कॉमर्शियल बैंक मन ले  कर्ज लेय हे।  सरकार उमन ल  काबर  नइ माफ करत हे।  ए सरकार म कर्ज माफी ल सहकारी बैंक मन तक ही काबर सीमित रखे हे।  जबकि वादा पूर्ण कर्ज माफी के हे।  

जोगी ह पूर्व प्रधानमंत्री इंदिरा गांधी के आपातकाल के दउरान किसान के सबो तरह के कर्ज माफी के घलो जिक्र करिन अउ कहिन के 10 दिन नइ बल्कि कांग्रेस एक महीना के समय लेवय।  15 साल बाद सत्ता म आए  कांग्रेस प्रदेस म मुख्यमंत्री पद के सपथ लेते ही किसान मन बर कर्ज माफी के घोसना म अमल करत हुए छत्तीसगढ़ के 16 लाख 65 हजार किसान मन के अल्पकालीन कर्जा माफ कर देय हे, लेकिन ए कर्ज माफी म पूर्व मुख्यमंत्री अजीत जोगी ह सवाल उठाइस हे।